آمریکا پلیسی ۱۶ یاشینداکی گنج قیزی اؤلدوردو
اوهایو ایالتینده پلیسلر، آفریقا کؤکنلی ۱۶ یاشینداکی قیزی اؤلدوردو
آمریکانین اوهایو ایالتینده بیر ووروشما خبری اوزرینه حادثه یئرینه گئدن پلیسلر، آفریقا کؤکنلی ۱۶ یاشینداکی قیزی اؤلدوردو.
اوهایو ایالتینین کلمبوس شهرینده بیچاقلی ووروشما خبری آلان پلیس حرکته گئچدی.
حادثه یئرینه گئدن پلیس قاچماغا چالیشان قیزلارا آتیش ائتدی.
مرمیلرین اصابت ائتدیگی ۱۶ یاشینداکی ماکیاح بریانت، قالدیریلدیغی خستهخانادا حیاتینی ایتیردی.
پلیس، حادثهنین کامئرا گؤرونتولرینی یایینلادی.
یئرلی مطبوعاتدا یئر آلان خبرلرده بریانتین، اونا سالدیران یئتیشکینلردن قورونماق اوچون الینده بیچاق توتدوغو وورغولاندی.
آنجاق پلیسین حادثه یئرینه گئتمهسی ایله بیچاقی بوراخدیغی ایفاده ائدیلدی.
بیرانتین عائلهسی ده پلیسین هئچ بیر اویاری ائتمهدن گنج قیزی ووردوغونو سؤیلهدی.
اولای ایله باغلی سوروشدورما باشلادیلارکهن، جینایتین آردیندان پلیس شدتینه اعتراض اوچون گؤستریچیلر یئنه کوچهلره چیخدی.
شهردهکی امنیت مودورلوگو قارشیسیندا توپلانان گؤستریچیلر پلیس شدتینه اعتراض ائتدی.