ایکی قارداشدان عایله ایچی قتلعام
ایکی قارداشین آرالاریندا قوردوقلاری پلان اوزرینه ۴ عایله عضوونو اؤلدوروب اینتیحار ائتدیکلری بیلدیریلدی
آمریکانین تگزاس ایالتینده ایکی قارداش قورخونج بیر پلان قوردو. قارداشلار، عایلهلریندن ۴ نفری اؤلدوروب آردیندان اینتیحار ائتدی.
دالاس شهرینین حاشیهسینده، پلیس بیر ائوده ۶ نفرین جانسیز بدنینی تاپدی. اؤلنلرین عینی عایلهیه منسوب اولدوغو اؤیرنیلدی.
پلیس، اؤلنلرین کیملیکلرینی آچیقلامادی؛ آنجاق آرالاریندا ایکی اوغلان، بیر قیز، آتا، آنا و ننه اولدوغو معلوماتینی پایلاشدی.
ایکی قارداشین آرالاریندا قوردوقلاری پلان اوزرینه ۴ عایله عضوونو اؤلدوروب اینتیحار ائتدیکلری بیلدیریلدی.
قارداشلاردان بیرینین سوسیال مئدیادان جینایت و اینتیحار پلانلارینی آنلادان بیر ویدیو پایلاشدیغی دا ایفاده ائدیلدی.
هفته سونو میدانا گلدیگی دوشونولهن حادثهده پلیس، ان گنج قوربانین ۱۹ یاشیندا اولدوغونو سؤیلهدی.
ایلگیلیلی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب
اندونزیا-دا داشقینلار 41 نفرین اؤلومونه سبب اولوب
اندونزیانین باتی سیندا لئیسان یاغیشلارین سبب اولدوغو داشقینلار 41 نفرین اؤلومونه سبب اولوب.