میانمار-دا توققوشما‌لار باشلایان‌دان بری اؤلن‌لرین سایی 510-ا چاتیب
میانماردا فوریه‌نین 1-دن بری اعتراضچیلارلا تهلوکه‌سیزلیک قوه‌لری آراسیندا باش وئرن توققوشما‌لاردا اؤلن‌لرین سایی 510-ا چاتیب.
1611126
میانماردا فوریه‌نین 1-دن بری اعتراضچیلارلا تهلوکه‌سیزلیک قوه‌لری آراسیندا باش وئرن توققوشما‌لاردا اؤلن‌لرین سایی 510-ا چاتیب.
بو باره‌ده میانمار-داکی سیاسی محبوس‌لارا یاردیم درنگی‌نین راپوروندا بیلدیریلیب.
حسابلاما‌لارا گؤره، حربچی‌لر حاکمیته گلدیک‌دن سونرا اعتراض آکسیا‌لارینا سرت باسقی گؤستریلیر: "مارسین 29-دا 51 نفرین اؤلومو تصدیقلنیب، اونلاردان 14-و 29-37 یاش آرالیغیندا‌دیر".
قئید ائدیلیب کی، بو گوندک 2574 نفر حبس ائدیلیب: "حاضیردا 37 محبوس حبس جزاسینا محکوم ائدیلیب. داها 120 نوماییشچی اوچون حبس قراری چیخاریلیب. بازار ارته‌سی 20-دن چوخ آدامین نظارته آلینیب".
مارسین 27-دن میانمار هاوا قوه‌لرینه عایید اوچاق لارین کارن ایالتینه ضربه‌لر ائندیرمه‌سی نتیجه‌سینده یئددی کنددن، تخمینن 10 مین ساکین ائولرینی ترک ائتمک مجبوریتینده قالیب.
