آنتونی بلینکن:"تورکیهنین ناتو-دا اولماسی هر کسین خیرینهدیر"
امریکانین خاریجی ایشلر ناظیری آنتونی بیلینکن تورکیه-نین ناتو-یا باغلیلیغینین داوام ائتمهسینین هر کسین منفعتینه اولدوغونو سؤیلهییب.
امریکانین خاریجی ایشلر ناظیری آنتونی بیلینکن تورکیه-نین ناتو-یا باغلیلیغینین داوام ائتمهسینین هر کسین منفعتینه اولدوغونو سؤیلهییب.
ناتو قرارگاهیندا کئچیریلن خاریجی ایشلر ناظیرلری توپلانتیسینا ایلک دفعه امریکا خاریجی ایشلر ناظیری کیمی قاتیلان آنتونی بلینکن ناتو-نون باش کاتیبی ینس استولتنبرگ ایله بیرلیکده تشکیل ائدیلن مطبوعات کنفرانسیندا چیخیش ائدیبلر.
آنتونی بلینکن دئییب: "بو گون بورا امریکانین ناتو-یا سارسیلماز باغلیلیغینی نوماییش ائتدیرمک اوچون گلدیم. باشدا ناتو متفیقلری اولماقلا اورتاقلیقلاری یئنیدن قورماق ایستییریک. اوللر اولدوغو کیمی بو گونون تهدیدلرینه ده گوجلو و تأثیرلی اولان اتفاقی یئنیدن جانلاندیرماق نیتیندییک.
امریکا و ناتو-نون دگر وئردیگی متفیقیمیزین – تورکیه-نین بو اتفاقا باغلیلیغینین سورمهسی هامیمیزین خیرینهدیر. امریکا و ناتو تورکیه-نی یانیندا گؤرمک ایستییر."
اولوسلار آراسی قوهلرین افغانیستان-دان چکیلمسیله باغلی سوالا ایسه بلینکن بئله جاواب وئریب: "امریکا و ناتو عسگرلری افغانیستانا بیرلیکده گئتدی، بیرلیکده اویغونلاشدی و دوغرو زاماندا اورادان بیرلیکده آیریلاجاق. امریکا قراری متفیقلری ایله بیرلیکده وئرهجک".