ترامپ دؤنمیندهکی سیاسته "آجیماسیز" دئدی
"بیز سرحدی گئچرکن آیریلان یاسادیشی کؤچمن عایلهلری آمریکادا یا دا گلدیکلری اؤلکهده بیرلشدیرمهگی اومود ائدیریک"
آمریکا ایچ گوونلیک باخانی الخاندرو مایورکاس، اسکی پرزیدنت دونالد ترامپین دؤورونده سرحدده اوشاقلاریندان آیریلان کؤچمن عائلهلرین آمریکادا بیرلشدیریلمهسینه و اؤلکهده قالمالارینا اجازه وئرهجکلرینی بیلدیردی.
مایورکاس، آغ ائودکی مطبوعات توپلانتیسندا، ترامپ دؤنمیدهکی کؤچمن سیاستینی "آجیماسیز" اولاراق دگرلندیردی.
اؤزللیکله مکزیک سرحدینی کئچرکهن عائلهلریندن زورلا آیریلان اوشاقلار قونوسوندا چالیشدیقلارینی ایفاده ائدن مایورکاس،
"بیز سرحدی گئچرکن آیریلان یاسادیشی کؤچمن عایلهلری آمریکادا یا دا گلدیکلری اؤلکهده بیرلشدیرمهگی اومود ائدیریک. اونلارا بیر سئچیم تکلیف ائتمک ایستهییریک. بیز بیر بیریندن آیریلان عائلهلرین قانونی اولاراق آمریکادا قالمالارینین یوللارینی آختاریریق" ایفادهسینی ایشلتدی.
مایورکاس، جو بایدن یؤنتیمینین عائله بیرلشمهسی اوچون قوردوغو وظیفه گوجونون ایندییه قدر ۱۰۵ عائلهنی بیرلشدیردیگینی قید ائتدی.