ترامپ کنگره-یه هوجومدا بیرباشا اتهام اولونوب
امریکانین کئچمیش پرزیدنتی دونالد ترامپ 6 ژانویهده "کنگره هوجومدا بیرباشا گوناهکار" اولماقدا اتهام اولونوب.
امریکانین کئچمیش پرزیدنتی دونالد ترامپ 6 ژانویهده "کنگره هوجومدا بیرباشا گوناهکار" اولماقدا اتهام اولونوب.
ادعانامه گلن هفته سنا-دا باشلایاجاغی گؤزلهنیلن عزل محکمهسیندن اول ایجتیمایته تقدیم ائدیلیب.
اؤلکه مئدیاسیندا یانسیان ادعانامهیه گؤره، ترامپ قانلی کنگره باسقینیندا کوتلهنی "عصیانا تشویق" و داها سونرا باش وئرن زوراکیلیغا دا "بیرباشا مسئولو" اولماقدا گوناهلاندیریلیب.
سنا-داکی عزل محکمهسینده ترامپا قارشی ادعا مقامی کیمی چیخیش ائدهجک دموکرات وکیللر طرفیندن حاضیرلانان ادعانامهده ترامپین آنایاسانی پوزدوغونا گؤره گوناهکار قبول ائدیلمهسی و وظیفهسیندن آزاد ائدیلمهسینین لازیم اولدوغو ایرهلی سورولوب.
ادعانامهده "پرزیدنت ترامپین حرکتی ان آچیق شکیلده قبول ائدیلمز اعلان ائدیلمهلیدیر. اونون حرکتلری آنایاسال سیستمی و مودافعه ائتدیگیمیز اساس آزادلیقلاری تهدید ائتدی." ایفادهلری یئر آلیب.
عزل محکمهسینین تقویمینه اساساً، همین ادعانامهیه قارشی ترامپین وکیللرینین ده عکس-مودافعه حاضیرلاماسی و هفتهنین اولینه کیمی تقدیم ائتمهلری گؤزلنیلیر.