آمریکانین خارجی ایشلر باخانی بللی اولدو
بلینکنین باخانلیغا نامیزدلیگی ۲۲یه قارشی ۷۸ اویلا قبول ائدیلدی
آمریکا سناسی، پرزیدنت جو بایدن طرفیندن دیش ایشلری باخانلیغینا نامیزد گؤستردیگی آنتونی بلینکنی اونایلادی.
سنانین باش قورولوندا ائدیلن اویلامادا، بلینکنین باخانلیغا نامیزدلیگی ۲۲یه قارشی ۷۸ اویلا قبول ائدیلدی.
ساوونما باخانی لوید آستین، مالیه باخانی جنت یلن و اولوسال استخبارات رئیسی ایوریل هینزدن سونرا بلینکن، بایدن کابینهسینده سنادان اونای آلان دؤردونجو نامزد اولدو.
آمریکادا اولوسال استخبارات رئیسی ده کابینه عضوو ساییلیر.
آمریکانین دونیاداکی ایمیجینی یاخشیلاشدیراجاغی گؤزلهنیلهن ۵۸ یاشلی بلینکن، اسکی باقانلاردان باراک اوباما دؤورونده (۲۰۱۵-۲۰۱۷) خارجی سیاست مشاورلیگی وظیفهسینده چالیشمیشدی.
یئنی خاریجی ایشلر باخانی بایدن و باشقان یاردیمچیلیغینا سئچیلهن کاملا هریسین سئچیم دؤنمینده خاریجی سیاست مشاورلیگی وظیفهسینی ایجرا ائتدی.