اندونزیدن ایرانا جواب: گؤز آلتینا آلدیق
"ایکی تانکرین ۳۶ ایرانلی و ۲۵ چینلی خدمهسی آیرینتیلی سوروشدورما اوچون گؤزآلتینا آلیندی"
اندونزی، یاسادیشی یاناجاق داشیدیقلاری سببیله توقیف ائتدیگی ایران و پاناما بایراقلی ایکی تانکرین خدمهسینی گؤزآلتینا آلیندیغینی آچیقلادی.
ساحل گوونلیک قورومو (باکاملا) پروتوکول و خالقلا ایلیشکیلر باشقانی ویسنو پراماندیتا، قانونسوز یاناجاق داشیدیغینا گؤره توتولان ایکی تانکرین ۳۶ ایرانلی و ۲۵ چینلی خدمهسینین آیرینتیلی سوروشدورما اوچون گؤزآلتینا آلیندیغینی سؤیلهدی.
اندونزی ۲۴ ژانویهده قانونسوز یاناجاق داشیدیغیندان شوبههلهنیلهن ایکی ایران و پاناما بایراقلی تانک باتی کالیمانتان ایالتینه باغلی پونتیاناک شهری یاخینلیغیندا ساحل گوونلیک تیملری طرفیندن توتولدوغونو اعلان ائتدی.
ایران خاریجی ایشلر باخانلیغی سؤزچوسو سعید خطیبزاده دونن ایران گمیسی ایله باغلی ضدیتلی معلوماتلار آلدیقلارینی ایفاده ائدرک، "اندونزی حکومتیندن بیزه داها چوخ معلومات وئرمهلرینی ایستهدیک. حادثهنی داها شفاف و آیدین بیلمک ایستهییریک".