دونیادا سون گونده کوروناویروسا 566 میندن چوخ یولوخما قئیده آلینیب

دونیادا یئنی نوع کوروناویروس‌دان اؤلنلرین سایی 1 میلیون 970 مینی کئچیب. انفکسیونا یولوخان‌لارین سایی 92 میلیون 22 مین، ویروس‌دان معالیجه اولونا‌راق ساغالان‌لارین سایی دا 65 میلیون 865 مین‌دن یوخاری‌دیر.

اینگیلتره-‌ده ویروس سببیله سون 24 ساعات عرضینده 1243 اینسان هلاک اولوب، 45 مین 533 نفرده ایسه ویروس آشکارلانیب. اپیدمی ده اؤلن‌لرین سایی 83 مین 203، ویروسا یولوخموش‌لارین سایی ایسه 3 میلیون 164 مین 51 اولوب.

ایتالیا-دا سون 24 ساعات عرضینده اپیدمی سببیله 616 نفرین حیاتینی ایتیرمه‌سیله اؤلن‌لرین 79 مین 819-ا یوکسلیب. ویروسا یولوخان‌لارین سایی 14 مین 242 آرتا‌راق 2 میلیون 303 مین 263 نفره چاتیب. اؤلکه‌ده آشی وورولان‌لارین سایی 731 مین 539 نفر تشکیل ائدیب.

اپیدمی ده اینسان ایتکی‌سی‌نین 130 اولدوغو سوما‌لی-ده پایتاخت موگادیشو-دا 26 نوامبردان بری ایلک دفعه 3 نفرده "کووید-19" ویروسو آشکارلانیب. اؤلکه‌ده ویروسا یولوخان‌لارین سایی 4 مین 726 اولوب.

بو آرادا، آلمانیانین گونئی – باتی سیندا یئرلشن بادن-وورتمبرگ فدرال ایالتینده ایلک دفعه اولا‌راق کوروناویروسون گونئی افریقا-دا موتاسیون ائتمیش وئرسیونو “B.1.351” آشکار ائدیلیب.

بونونلا باغلی یاییلان معلوماتا گؤره، کوروناویروسون سؤزوگئدن نوعونا یولوخان‌لار اؤتن ایل دسامبرین 13-ده گونئی افریقادان اؤلکه‌یه گلیب‌لر.

امریکا "کووید-19"دان اینسان ایتکیسی 389 مین 621 اولوب. اؤلکه‌ده ویروسا یولوخان‌لارین سایی 23 میلیون 369 مین اولا‌راق قئید آلینیب. خسته‌لیک‌لره نظارت و تشخیص مرکزی 26 ژانویه تاریخیندن اعتباراً اؤلکه‌یه هاوا یولو ایله گلن‌لردن منفی "کووید-19" تست نتیجه‌لری‌نین ایسته‌نیله‌جگینی آچیقلاییب. اؤلکه‌ده داوام ائدن "کووید-19" آشی پروقرامیندا اوستونلوک وئریلن قروپ‌لار اوچون چوخ سرت قایدا‌لار سببیندن آشی دوزلاری بوشا گئتمه‌یه باشلادیغی اوچون ایالت لرین صلاحیت‌لی‌لری قایدا‌لاری یومشالتماغا باشلاییب.

برزیل-ده "کووید-19"دان اؤلن‌لرین سایی 204 مین 726-یا یوکسلیب. اؤلکه‌ده خسته‌لرین سایی 8 میلیون 195 مین اولوب.

مکزیکا-دا اپیدمی سببیله اؤلن‌لرین سایی 135 مین 682-یه، خسته‌لرین سایی ایسه 1 میلیون 556 مینه یوکسلیب.