ترامپ واشینگتن-دا فوق العاده وضعیت اعلان ائدیب
فوق العاده وضعیت چرچیوهسینده ترامپین ایچ تهلوکهسیزلیک ناظیرلیگینه باغلی فدرال عاجیل وضعیت ایدارهسی آژانسینا واجیب بوتون تدبیرلری گؤرمهسی تاپشیریغینی وئردیگی قئید ائدیلیب.
امریکا پرزیدنتی دونالد ترامپ ژانویهنین 20-ده دموکراتلار پارتیاسیندن پرزیدنت سئچکیلرینده قالیب گلمیش جو بایدنین آندایچمه مراسیمی زامانی تهلوکسیزلیگین تامین ائدیلمهسی اوچون واشینقتوندا فوق العاده وضعیت رژیمی تطبیق ائدیب.
فوق العاده وضعیت چرچیوهسینده ترامپین ایچ تهلوکهسیزلیک ناظیرلیگینه باغلی فدرال عاجیل وضعیت ایدارهسی آژانسینا واجیب بوتون تدبیرلری گؤرمهسی تاپشیریغینی وئردیگی قئید ائدیلیب.
آغ ائوین بونونلا باغلی یایدیغی معلوماتدا "پرزیدنت دونالد ترامپ بو گون فوق العاده وضعیت رژیمی اعلان ائدیب و 59-جو پرزیدنتین آندایچمه مراسیمی ایله علاقهدار فوق العاده وضعیت سببیندن دایرهنین تهلوکهسیزلیک تدبیرلرینه علاوه فدرال یاردیمین یؤنلدیلمهسینی دایر امر وئریب" دئییلیر.
خاطیرلاداق کی، 2020-جی ایلین نوامبر آیینین 3-ده امریکا-دا پرزیدنت سئچکیلری کئچیریلیب. یئکون نتیجهلره گؤره، موخالیف دموکراتلار پارتیسینین نامیزدی، 78 یاشلی سناتور جو بایدن جمهوریتچلر پارتیسینین تمثیلچیسی، حاضیرکی پرزیدنت دونالد ترامپا قالیب گلیب. بونا باخمایاراق، ترامپ سئچکیلرده ساختاکارلیغین اولدوغونو آچیقلایاراق نتیجهلری تانیماییب. بونون فونوندا امریکانین بیر سیرا ایالت لرینده حاضیرکی پرزیدنتین طرفدارلاری نوماییشلر کئچیرمهیه باشلاییب.
ژانویهنین 6-دا واشینگتن-دا کئچیریلن بؤیوک میتینق ایسه ایغتیشاشا چئوریلیب. دونالد ترامپین طرفدارلاری کنگره بیناسینا باسقین ائدیب. بو زامان 5 وطنداش هلاک اولوب، 14 پولیس یارالانیب.
پایتاختدا قاریشیقلیق دوشندن سونرا دونالد ترامپ باشدا جو بایدن اولماقلا دیگر سیاستچیلرین تضییقی آلتیندا طرفدارلارینا ویدئو مراجعت ائدیب. او، مراجعتده سئچکی نتیجهلرینین اوغورلاندیغینی، لاکین بونونلا بئله زوراکیلیغا یول وئریلمهمهسینین واجیبلیگینی وورغولاییب.
ژانویهنین 7-ده امریکانین هر ایکی مجلیسینین بیرگه کئچیریلن ایجلاسیندا جو بایدنین پرزیدنت سئچکیلریندکی قلبهسی تصدیقلنیب. دونالد ترامپ ایسه، اؤز نؤوبهسینده، ژانویهنین 20-دا حاکمیتی دینج یوللا اؤتورجگینی آچیقلاییب. ژانویه نین 20-ده جو بایدنین پرزیدنت کیمی آند ایچه جگی گؤزلنیلیر.