مزاح قونوسو اولدو
غازینین یئرینه ایتین مونتاژلاندیغی اورتایا چیخدی
آمریکا بیرلشمیش دؤولتلری پرزیدنتی دونالد ترامپ، داعشین باشی ابوبکر البغدادییه قارشی عملیاتدا یارالانان ایته مدال تاخدیغینی گؤسترهن و فوتومونتاژ اولدوغو آنلاشیلان بیر شکیل پایلاشدی.
ترامپ، رسمی تویتر حسابیندان، جمعه ارتهسی گئجهسی سوریهنین قوزئیینده تشکیل ائدیلهن و بغدادینین اؤلو اله گئچیریلدیگی عملیاتدا وظیفه آلان ایته، بیر مدال تاخدیغی گؤرولهن فوتوگرافی "آمریکانین قهرمانی" یازیسییلا پایلاشدی.
فوتومونتاژ اولدوغو آیدین اولان شکیلین اوریژینالینین ترامپین بیر ویتنام غازیسینه مدال تاخدیغی مراسیمده چکیلدیگی، غازینین یئرینه ایتین مونتاژلاندیغی اورتایا چیخدی.
ترامپین پروفیلینه ده ثابیتلهدیگی بو پایلاشیمی، سوسیال مئدیادا و آمریکا مطبوعاتیندا مزاح قونوسو اولدو.
داعش چتهباشی بغدادی، آمریکا اؤزل گوجلرینین ۸ هلیکوپترله ادلبین قوزئیینده تشکیل ائتدیگی عملیاتدا اؤلو اله گئچیریلمیشدی.
ترامپ، بغدادینین اولدوغو ائوین آلتینداکی اوجو باغلی تونللردن بیرینه گیردیکدن سونرا اوزریندهکی انتحار جیلیتقاسینی پاتلاداراق یانینداکی ۳ اوشاقلا بیرلیکده اؤلدویونو آچیقلامیشدی.
ترامپ، عملیات سیراسیندا یارالانان ایتین شکیلینی پایلاشمیش آنجاق ایتین آدی گیزلی توتولموشدو.
ایلگیلیلی خبرلر
کاتالونیا موختار بؤلگهسینده پارلمان سئچیملری
کاتالونیادا آیریلیقچی جهدلرین باشلادیغی 2010-جو ایلدن بری 6-جی نؤبهدن کنار سئچکی دونن کئچیریلیب