اطریش تحصیل سیستمینده آیری-سئچکی‌لیک حادثه‌لری

اطریش-ده تحصیل سیستمینده 2017-جی ایلده سایی 173 اولان آیری-سئچکی‌لیک حادثه‌سی 2018-جی ایلده 50،28 فایز آرتا‌راق 260 اولوب.

اطریش تحصیلده آیری-سئچکی‌لیگه قارشی بیرلیک درنگی‌نین (IDB) راپورونا گؤره، اؤلکه‌ده 2018-جی ایلده آیری-سئچکیلیکچی‌لیک حادثه‌لری اوولکی ایله نیسبتن 50،28 فایز آرتیب.

تحصیل سیستمینده دینی، جینسی، مدنی، اتنیک منشأ و بنزری سبب‌لره گؤره آیریمچیلیغا معروض قالان معلم و طلبه‌لرله اوچ ایلدیر چالیشان IDB  درنگی متخصص فیکیرلری و ضرر چکن‌لرین سؤیله‌دیک‌لری اساسیندا راپور ترتیب ائدیب.

راپوردا بیلدیریلیر کی، مکتب‌لرده آیری-سئچکی‌لیک حادثه‌لری‌نین 48 فایزی دین و دونیاگؤروش‌لرله، 45 فایزی اتنیک منشأ و دری رنگینه گؤره، 5 فایزی ایله انگل‌لی اینسان‌لار، 2 فایزی ایسه جینسیت مسئله‌سیله باغلی‌دیر. دین و دونیاگؤروشو ایله آیری-سئچکی‌لیک یاشایان‌لارین 97 فایزی مسلمان‌لاردیر.