بیرلشمیش میللت‌لر فیلیسطین‌لی قاچقین‌لارا یاردیما چاغیریب
بیرلشمیش میللت‌لر، یاخین شرق‌دکی 5 میلیون 400 مین فیلیسطین‌لی قاچقی‌نین اساس خیدمت‌لری و یاشام قورتاریجی اینسانی احتیاج‌لاری‌نین اؤدنیلمه‌سی اوچون، 1 میلیارد 200 میلیون دو‌لارلیق یاردیما چاغیریب
بیرلشمیش میللت‌لر تشکیلاتی فیلیسطین‌لی قاچقین‌لارا یاردیم تشکیلاتی، یاخین شرق‌دکی 5 میلیون 400 مین فیلیسطین‌لی قاچقی‌نین اساس خیدمت‌لری و یاشام قورتاریجی اینسانی احتیاج‌لاری‌نین اؤدنیلمه‌سی اوچون، 1 میلیارد 200 میلیون دو‌لارلیق یاردیما چاغیریب.
بیرلشمیش میللت‌لر تشکیلاتی فیلیسطین‌لی قاچقین‌لارا یاردیم تشکیلاتی باش کومیساری پییر کرانبول، آمریکا‌نین پرزیدنتی دونالد ترامپ رهبرلیگی‌نین اونلارا یاراتدیغی ایللیک مالیه دستگین هاراسا هامی‌سینی کسمه‌سینه باخمایا‌راق، 2018ده هدف سئچدیک‌لری مالیلشدیریلمه‌سی تامین ائتدیک‌لرینی سؤیله‌دی.
کرانبول، فیلیسطین‌لی قاچقین‌لارین "اساس خیدمت‌لری" و "یاشام قورتارما" اینسانی احتیاج‌لاری‌نین اؤدنیلمه‌سی اوچون بین الخالق جمعیته 1 میلیارد 200 میلیون دو‌لار یاردیم چاغیریشی ائدیب.
باش کومیسار کرانبول، باغیشچی اؤلکه‌لره اؤتن ایل گؤستردیک‌لری سخاوت‌دن گؤره ده تشککور ائده‌رک، گؤرولن بؤیوک سفربرلیک سایه‌سینده، 446 میلیون دو‌لارلیق مالیه کسیری باغلادیق‌لارینی بیلدیریب.
دیگر طرف‌دن، حماسین نیظامی قانادی عزالدین القسام بریقادا‌لاری دا، فیلیسطین مقاومتینه سانال پول بیتکوین ایله دستک وئریلمه‌یه چاغیریب.
بو دستگین هانسی مکانیزمله کئچیریله‌جگینه دایر معلوماتین تئزلیکله آچیقلاناجاغی بیلدیریلیب.
