نیکی هالی:"ایرانین یئنی بیر قوزیی کره اولماسینا ایجازه وئرمیجییک"
آمریکانین بیرلشمیش میللتلرده کی دایمی نماینده‌سی نیکی هالی ایرانین بوندان سونراکی نوبه‌ده قوزیی کره اولماسینا ایجازه ورمه‌یه‌جک‌لرینی بیلدیردی.
آمریکانین بیرلشمیش میللتلرده کی دایمی نماینده‌سی نیکی هالی ایرانین بوندان سونراکی نوبه‌ده قوزیی کره اولماسینا ایجازه ورمه‌یه‌جک‌لرینی بیلدیردی.
نیکی هالی NBC تلویزیون کانالینا وئردیگی موصاحیبه ده دئدی کی، آمریکا رهبرلیگی ایرانین اتم پروگرامینی گؤزدن کئچیرمه‌سی‌نین سببی‌نین یئنی بیر قوزیی کره نومونه‌سی‌نین قارشی‌سینی آلماق‌دیر. آمریکا ایندی‌لیک ایران ایله 2015-جی ایلده قبول ائدیلن اتم راضیلاشما‌دان آیریلمایا‌جاق و هدفی "داها یاخشی بیر راضیلاشما"دیر.
"اتم راضیلاشما‌دان آیریلمیریق. بیز آمریکا خالقی‌نین اؤزونو داها امین-آمان‌لیق ایچینده حیس ائتمه‌سی اوچون وضعیتی یاخشیلاشدیرماغا چالیشیریق" دئیه هالی وورغولادی.
آمریکا پرزیدنتی ترامپ-ین "داها بالانس‌لی" حل اوچون کنگره ایله یاخین امکداش‌لیق ایچینده چالیشدیغینی بیلدیرن هالی "ایران ایله اتم راضیلاشماسی‌نین گؤزدن کئچیرمییمیز تامامیله قوزیی کره-یه گؤره‌دیر. ایرانین یئنی بیر قوزیی کره اولماسینا ایجازه وئرمیجییک" دئدی.
قئید ائدک کی، ترامپ کئچن جمعه گونو اؤلکه‌سی‌نین ایرانلا قبول ائدیلن اتم راضیلاشما‌دان ایندی‌لیک آیریلمایاجاغینی آچیقلامیش و "کنگره و متفیق‌لرله راضی‌لیق الده اولونمایاجاغی حالدا او زامان راضیلاشما لغو اولونا‌جاق" دئمیشدی.
