یوکسک تحصیل سویهسی یاواش یاشلانما سببیدیر
اینسانین آلدیغی هر ایکی ایل تهسیل عرضینده قوجالما سورعتی 2-2 فاییز یاواشلایا بیلر و اؤلوم ریسکینی تخمینن 7 فاییز آزالدا بیلر
معلوم اولوب کی داها یوکسک تحصیل سویهسینه مالیک اولماق داها یاواش یاشلانما ایله علاقهلندیریله بیلر.
آمریکانین کولومبیا بیلیمیوردونون تحقیقاتچیلاری 1948 ایلیندن بری 3 نسیلدن اولان 14106 ایشتیراکچینین معلوماتلارینی آراشدیراراق تحصیلین قوجالمایا تاثیرینی تحلیل ائدیبلر.
سؤزوگئدن معلوماتلارلا الده ائدیلن قان تستلریندن ایستیفاده ائدن تحقیقاتچیلار، DNA-نی آراشدیران بیر اصول ایله ایشتیراکچیلارین قوجالما نیسبتینی حسابلاماغا چالیشیبلار.
اوچ نسیلدن الده ائدیلن معلوماتلاردان ایستیفاده ائدرک، تحقیقاتچیلار اوشاقلارین تحصیل سویهلرینی والدینلرینین تحصیل سویهلری ایله موقاییسه ائتدیلر و همچینین باجی-قارداشلار آراسیندا تحصیل سویهلریندکی فرقلری آراشدیردیلار.
تحقیقاتچیلار معین ائدیبلر کی، ایشتیراکچیلارینین آلدیغی هر ایکی ایل تهسیل عرضینده قوجالما سورعتی 2-2 فاییز یاواشلایا بیلر و اؤلوم ریسکینی تخمینن 7 فاییز آزالدا بیلر.
تحصیل سویهسینین بیولوژی قوجالما و گؤزلنیلن عؤمور اوزونلوغو ایله علاقهلندیریلدیگی ایلک دفعه قئید ائدیلن آراشدیرما، والدینلریندن داها یوکسک تحصیل سویهسینه صاحب اولان ایشتیراکچیلارین داها یاواش قوجالدیغینی، داها اوزون و ساغلام یاشادیقلارینی اورتایا قویدو.
"فرامینگهام هارت ستودی" آدلانان آراشدیرما "ژاما نتوورک اوپن" ژورنالیندا درج اولونوب.
ایلگیلیلی خبرلر
آخینچی بیر سیناغی داها باشارییلا تاماملادی
بایراقدار آخینچی، دنیز اوستونده گئرچکلشدیریلن آتیش تستینی ده اوستون گۆجو ایله گئچدی