تورک پروفسورا اؤدول

باشکند آنکاراداکی بیلکنت اونیوئرسیته‌سی فن فاکولته‌سی رئیسی پروفسور دکتر تایفون اؤزچئلیک و اونیوئرسیته‌نین مولکولر بیولوژی و ژنتیک بؤلومو، آمریکا اینسان ژنتیگی بیرلیگی طرفیندن "جیغیر آچیجی" ژنتیک آراشدیرمالارا وئریله‌ن "دوشونجه لیدئری" اؤدولونه لایق گؤرولدو.
تایفون اؤزچئلیک، اؤدولونو، واشینگتون‌دا تشکیل ائدیله‌ن آمریکن سوسایتی اوف هیومن جنتیکسین ۷۵.جی قورولوش ایلی قوتلاما مراسیمینده آلدی.
مراسیم چرچیوه‌سینده، بیلکنت اونیوئرسیته‌سینین و اؤزچئلیکین آراشدیرمالارینین ایضاح ائدیلدیگی بلگه‌سل، ۸ مینین اوزرینده بیلیم اینسانینین قاتیلدیغی اوتورومدا گؤستریلدی.
اؤزچئلیک و اونیوئرسیته‌نین مولکولر بیولوژی و ژنتیک بؤلومونه وئریله‌ن "دوشونجه لیدئری" اؤدولونون سببی ایله، "اؤزچئلیک و بیلکنت مولکولر بیولوژی و ژنتیک بؤلومو، ارثی خسته‌لیکلر و تورکیه ژنتیگی (واریوم) ساحه‌لرینده جیغیر آچیجی قاتقیلاری سببی ایله 'دوشونجه لیدئری' سئچیلمیشدیر. بو ایشلر بیومئدیکال آراشدیرمالارا دئوریمسل اؤزللیکده قاتقیلار تامین ائتمکده، اینسان حیاتینی یاخشیلاشدیرماقدا، طب ساحه‌سینی دؤنوشدورمکده، تحصیل، یئنیلیکچیلیک، آراشدیرما و ساغلیق سیاستلرینین یارادیلماسینا لیدئرلیک ائتمکده‌دیر" ایفاده‌لرینه یئر وئریلدی.