تورک گنجی آکسفوردا ایلک سیرادان گیردی

بوراک کاراتاش، اینگیلتره‌ده‌کی آکسفورد اونیوئرسیته‌سی ریاضیات و بیلگی‌سایار بؤلومونو ایلک سیرادا قازاندی.
ریاضیات المپیک یاریشمالارین‌دا اولوسال و اولوسلارآراسی بیر چوخ درجه‌سی اولان آیدینلی بوراک کاراتاش، بو ساحه‌ده‌کی باشاریلاری ایله میللی تیمه سئچیلدی.
سون اوخولو بو ایل بیتیرن کاراتاش، یولداشینین تکلیفی ایله قاتیلدیغی آکسفورد اونیوئرسیته‌سی سیناوین‌دا ریاضیات و بیلگی‌سایار بؤلومونده ۹۳ پوئن آلدی.
باشاریلی اؤیرنجی، بو بؤلومه تام بورسلو بیرینجی اولاراق گیردی.
بوراک کاراتاش، ریاضیات المپیک یاریشمالارینین اؤزونه گلیشدیرمه ایمکانی سوندوغونو سؤیله‌دی.
ساغلام چالیشان بیری اولماقلا بیرلیک‌ده اؤزونه ده واخت آییرماغی بیلدیگینی دیله گتیره‌ن کاراتاش، آکسفوردو قازانما سوره‌جیندن ده دانیشدی.
کاراتاش، یازی‌لی و سؤزلو سیناولارین اولدوغونو، دونیادان ریاضیات بیلگی‌سایار ساحه‌سینه ۶۶ نفرین قبول ائدیلدیگینی ایضاح ائتدی.
سیناولارین ۱۰۰ اوزرین‌دن دگرلندیریلدیگینی بیلدیرن کاراتاش، "من او بؤلومه ۹۳ پوئنله بیرینجی اولاراق گیردیم. عمومی اورتالاما ۷۲، قبول ساحه‌لرین اورتالاماسی ۷۰ دولاییندا اولور" دئدی.
هدفلرین‌دن بحث ائد‌ن کاراتاش، دی ان ای چالیشمالاری، صونعی ذکانین سرطانلا موباریزه‌یه تأثیری اوزرینه چالیشاغی چوخ ایسته‌دیگینی ایفاده ائد‌رک،
"ان بؤیوک هدفیم، یوکسک لیسانسی تاماملادیقدان سونرا تورکیه‌یه دؤنوب بورادا خیدمت ائتمک" دئدی.