یاتمازدان اول دیش فیرچالاماماق اورک خسته‌لیگی ریسکینی آرتیریر
ژاپونیادا آپاریلان آراشدیرما‌لار گؤستریب کی، یاتمازدان اول دیش فیرچالاماماق اورک خسته‌لیگی ریسکینی آرتیریر.
ژاپونیادا آپاریلان آراشدیرما‌لار گؤستریب کی، یاتمازدان اول دیش فیرچالاماماق اورک خسته‌لیگی ریسکینی آرتیریر.
نیوز مدیکال ژورنا‌لی‌نین خبرینه گؤره، دیش فیرچالاما تئزلیگی ایله اورک خسته‌لیگی ریسکی آراسینداکی علاقه‌نین دقتده ساخلانیلدیغی آراشدیرمانین نتیجه‌لری درج ائدیلیب.
آراشدیرما چرچیوه‌سینده 2013-2016-جی ایللر آراسیندا ژاپونیانین اوساکا اونیورسیته‌سی خسته‌خاناسیندا یاتان خسته‌لر آراسیندان 1675 خسته سئچیلیب.
ایشتیراکچی‌لار دیش‌لرینی گونده ایکی دفعه سحر و آخشام فیرچالایان‌لار، یالنیز گئجه دیش‌لرینی فیرچالایان‌لار، یالنیز سحر دیش‌لرینی فیرچالایان‌لار و عمومیتله دیش‌لرینی فیرچالامایان‌لار اولا‌راق دؤرد قروپا آیریلیب.
تدقیقاتچی‌لار ایشتیراکچی‌لارین یاشینی، جینسینی و سیگارا چکمه کئچمیشینی ده نظره آلیب‌لار.
بون‌دان علاوه، ایشتیراکچی‌لارین ساغلام‌لیق قئیدلری دؤرد موستقیل تدقیقاتچی طرفیندن نظردن کئچیریلیب.
تدقیقات اورک چاتیشمازلیغی، اورک ریتمی‌نین پوزولماسی، سکته قلبی، سینه آغریسی، اورک قاپاغی و جراحی عملیات طلب ائدن آورتا خسته‌لیک‌لری کیمی اورک-دامار خسته‌لیک‌لری اوزرینده جمع‌لنیب.
دیش‌لرینی گونده ایکی دفعه فیرچالایان‌لارین و یالنیز گئجه فیرچالایان‌لارین اورک-دامار خسته‌لیک‌لریندن ساغ قالما (تخمین ائدیلن) نیسبت‌لری عمومیتله فیرچالامایان‌لارلا موقاییسه‌ده اهمیت‌لی درجه‌ده یوکسک اولوب.
آراشدیرمانین نتیجه‌لری دیش‌لری یالنیز سحر فیرچالاماغین غیری-کافی اولدوغونو و گئجه فیرچالامانین ساغلام‌لیق اوچون اهمیت‌لی اولدوغونو اورتایا قویوب.
آراشدیرمانین نتیجه‌لری "Scientific Reports" ژورنالیندا درج اولونوب.
