ت‌ج‌گ آنادولو گمیسی خالقا آچیلیر
تورکیه‌نین ان بؤیوک ساواش گمیسی، بو گون خالقا آچیلاجاق
دونیانین ایلک سلاحلی اینسانسیز هاوا آراجی (سیها) گمیسی ت‌ج‌گ آنادولو، ایستانبول‌دا خالقین گزمه‌سی اوچون سارای‌بورنونا یاناشدی.
بؤیوک گمینین ایستانبول بوغازین‌داکی حرکتینی ساحل‌ده‌کی وطنداشلار ماراق و غرورلا ایزله‌دی، خاطره شکیللری چکدی.
تورکیه‌نین ان بؤیوک ساواش گمیسی، بو گون تورکیه ساعاتییلا ۱۳.۰۰دا‌ن سونرا خالقا آچیلاجاق.
۲۳۱ متر اوزونلوغوندا ۳۲ متر گئنیشلیگینده‌کی ت‌ج‌گ آنادولو، گؤیرته‌لرین‌ده ۹۴ آراج داشیما توتومونا صاحب.
اوچوش گؤیرته‌سینده ۱۰ هلیکوپتر و یا ۱۱ سیها، یووادا ایسه ۱۹ هلیکوپتر یا دا ۳۰ سیها قونوشلانابیله‌جک.
مین ۲۲۳ پرسنلی اولان گمی‌ده تام مجهز خسته‌خانا و ۲ عمل یئری ده وار.
میللی ساوونما باخانی حولوصی آخار، ت‌ج‌گ آنادولونون ایستانبول‌دا وطنداشلارا آچیلاجاغینی سؤیله‌دی.
آخار، گمینین داها سونرا دا قاراد‌نیزه دوغرو حرکت ائدجگینی ایفاده ائتدی.
گمینین خالقا آچیلاجاغینی خاطیرلادان آخار، "تورکیه‌نین گوجونو گؤرمه‌یه‌نلر، ائشیتمه‌یه‌نلر گؤره‌جک و ائشی‌ده‌جک" دئدی.
بؤیوک گمی، بو گون ۱۳.۰۰ ایله ۱۸.۰۰ ساعاتلاری آراسیندا؛ ۱۸ آوریل‌دن ۲۳ آوریله قدر ایسه ساعات ۱۰.۰۰ ایله ۱۸.۰۰ آراسیندا خالقا آچیق اولاجاق.
