یاپای ذکا ایله چالیشان سونوجولار

گلیشن صونعی ذکا تکنولوژیسی بیر چوخ ایشین گله‌جگینه تأثیر ائتمه پتانسیلی داشییارکن مصر، قطر و کویت‌ده بو تکنولوژی ایله یارادیلان سونوجولار ائکراندا یئر آلماغا باشلادی.
کویت‌ده تانیدیلان "فضة" (گوموش) آدلی خبر سونوجوسو، اینگیلیزجه یایینی اولان کویت تایمز قزئتینین اینترنت سایتی کویت نیوزدا ایلک دفعه ۱۳ ثانیه‌لیک بیر سونوملا ائکرانا گلدی.
عربجه، "من فضة، کویت تایمز مئدیا قورولوشونون یاپای ذکا ایله چالیشان ایلک سونوجوسویام" ایفادلری ایله اؤزونو تانیدان سانال سونوجو، آردین‌دان، "فضةنین سیزلره سونما‌سینی ایسته‌دیگینیز خبرلر هانسیلاریدیر؟" سوالییلا سایتین تعقیبچیلرینی سورغویا قاتیلماغا دعوت ائتدی.
مصرده ایسه، "قاهیره ۲۴" خبر سایتی، ۲۲ فوریه‌ده ایلک صونعی ذکا اؤزللیکلی خبر بولتنینی یایینلادی.
بولتنین سانال سونوجوسو آنی، اؤزونو، "اورتا دوغودا مئدیانین گلیشیمی و ایر‌لیله‌مه‌سی پروژه‌سی چرچیوه‌سینده صونعی ذکا اؤزللیکلی خبر سونومو ائد‌ن ایلک سونوجو" شکلینده تانیتدی.
قاهیره ۲۴ مسئوللاری، تکنولوژیده‌کی گلیشمه‌لری یایینلارینا عکس ائتدیرمه‌یه داوام ائد‌جکلرینی و خبرلرینین گون بویو صونعی ذکا ایله وئریلمه‌سی اوچون چالیشاجاقلارینی بیلدیردی.
قطرین باشکندی دوحه‌ده ۱۳ مارس‌دا تشکیل ائدیله‌ن الجزیره‌نین ایلک صونعی ذکا کنفرانسی چرچیوه‌سینده بؤیوک ائکران‌دا گؤرونه‌ن سانال سونوجو ابتکار ایسه اؤزونو "الجزیره مئدیا انستیتوسونون کیملیگینین نماینده‌سی" اولاراق اعلان ائتمیشدی.
ابتکارین، الجزیره‌نین اؤنملی سونوجولاریندان روعة أوجيه ایله اورتاق شکیلده قاتیلدیغی تانیتیم بؤلومونده‌کی باشاریسی، کانال‌داکی سونوجو بحرانینا حل اولابیله‌جگی یورولارینا یول آچدی.
قطرده‌کی بیر باشقا سانال سونوجو نورا ایسه، ۱۰ مارس‌دا الجزیره‌نین هاشتاج پروگرامیندا ایزله‌ییجیلرین قارشیسینا چیخمیشدی.
نورا، پروگرامدا، ماساچوست تکنولوژی انستیتوسون‌دان صونعی ذکا متخصصی دکتر طالب دکتر طالب الاشقر ایله بیر مصاحیبه ائتدی.