تورکیه‌نین ان بؤیوک حربی گمیسی وظیفه‌یه باشلاییر
ت‌ج‌گ آنادولو چوخ مقصدلی آمفیبی هوجوم گمیسی، جمهورباشقانی رجب طیب اردوغانین قاتیلاجاغی مراسیمله دنیز گوجلرینه تسلیم ائدیله‌جک
دونیانین ایلک سلاحلی اینسان‌سیز هاوا آراجی (سیها) گمیسی، تورکیه‌نین ده ان بؤیوک حربی گمیسی ت‌ج‌گ آنادولو، بو گون دونانمانین خیدمتینه گیریر.
می ۲۰۱۹دا دنیزه ائندیریله‌ن و ژوئن ۲۰۲۲ده دنیز قبول تستلرینه باشلانان ت‌ج‌گ آنادولو چوخ مقصدلی آمفیبی هوجوم گمیسی، جمهورباشقانی رجب طیب اردوغانین قاتیلاجاغی مراسیمله دنیز گوجلرینه تسلیم ائدیله‌جک.
دونیادا بو اؤلچک‌ده گمییه صاحب اولان ۱۲ اؤلکه وار.
ت‌ج‌گ آنادولو، اوزرینه ائنیش-قالخیش ائد‌جک سیهالارلا دونیانین "ایلک سیها گمیسی" اولاجاق. بونون اوچون ده بایکار طرفین‌دن قانادلاری قاتلانابیله‌ن بایراقدار ت‌ب۳ سیها گلیشدیریلیر.
گمیده‌کی سلاح سیستملری، ساواش یؤنه‌تیمی سیستمی، الکترونیک حرب سیستملری، قیزیل اؤته‌سی آختارما و تعقیب سیستمی، الکترو-اوپتیک آختارما سیستمی، لیزر اویاری سیستمی، تورپیدو ساونما سیستمی، رادارلار، خبرلشمه سیستملری، کروز سیستملری، بیلگی داغیتیم سیستملری یئرلی و میللی ایمکانلارلا گلیشدیریلدی.
گمی، لازیم اولدوغون‌دا، طبیعی فلاکت کؤمک وظیفه‌لری چرچیوه‌سین‌ده ده ایستیفاده ائدیله‌بیله‌جک. ایچینده یئر آلان مجهز خسته‌خانا و عملیات یئری ایمکانلاری سایه‌سین‌ده طبیعی فلاکت یاردیمی، اینسانی کؤمک و سیغینماچی تخلیه عملیاتلارین‌دا طبی سونابیله‌جک.
۲۳۱ متر اوزونلوغا و ۳۲ متر گئنیشلیگه صاحب ت‌ج‌گ آنادولونون اوچوش گؤیرته‌سین‌ده ۱۰ هلیکوپتر و یا ۱۱ سیها قونوشلاندیریلابیله‌جک، یووادا ایسه ۱۹ هلیکوپتر و یا ۳۰ سیها داشینابیله‌جک. گمی، ۱۲۲۳ پرسنله ائو صاحبلیگی ائد‌جک.
تام یوک ظرفیتی ان چوخ ۲۷ مین ۴۳۶ تن اولان گمی، بو حالییلا ان آز ۲۰،۵ کنوت/دویون ماکسیموم سرعت و ۱۶ کنوت سرعتله صرفه‌لی وظیفه یئریده‌بیلیر.
صرفه‌لی سرعتی ایله تام یوک‌ده ان آز ۹ مین دنیز میلی سیر مسافه‌سینه صاحب ت‌ج‌گ آنادولونون ایچین‌ده‌کی سو آلابیله‌ن حوووضا هر بیری ۱ تانک داشییان ۴ مکانیزه کیچیک ساواش گمیسی گیره‌بیلیر.
گمی، آراج گؤیرته‌لرینده ۱۳ تانک، ۲۷ زره‌لی آمفیبی هوجوم آراجی (زاها)، ۶ زره‌لی پرسنل داشیییجی، ۳۳ موختلیف آراج، ۱۵ داشیما تریلری اولماق اوزره توپلام ۹۴ واسطه داشییابیلیر.
