آمریکا، اوچان تانیملاناممایان بیر جیسمی دۆشوردو
نورادین، آمریکا بیرلشمیش دؤولتلری-کانادا سرحدینده‌کی میشیگان و هورون گؤللری بؤلگه‌سینی قیسا مدت اوچوشا باغلادیقدان سونرا تانیملاناممایان بیر جیسمی داها دۆشوردوگو اورتایا چیخدی
آمریکا بیرلشمیش دؤولتلری اوردوسو، کانادا سرحدینده‌کی هورون گؤلو اۆزرینده اوچان تانیملاناممایان بیر جیسمی دۆشوردو.
قوزئی آمریکا هاوا ساوونما قوموتانلیغی (نوراد)، چین بالونو ایله آلاسکا و کانادا اۆزرینده تانیملاناممایان جیسیملری دۆشورمه‌سیندن سونرا بو سفر آمریکا بیرلشمیش دؤولتلری ایله کانادا سرحدینده اوچان، تانیملاناممایان بیر جیسم اوچون حرکته گئچدی.
نورادین، آمریکا بیرلشمیش دؤولتلری-کانادا سرحدینده‌کی میشیگان و هورون گؤللری بؤلگه‌سینی قیسا مدت اوچوشا باغلادیقدان سونرا تانیملاناممایان بیر جیسمی داها دۆشوردوگو اورتایا چیخدی.
میشیگان نماینده‌سی جمهوریتچی جیک برگمان، تویتردن یاییملادیغی آچیقلامادا، "بؤیوک گؤللر بؤلگه‌سینده‌کی عملیاتلارلا باغلی ساوونما باخانلیغی منیمله ارتباطا گئچدی. آمریکا بیرلشمیش دؤولتلری اوردوسو هورون گؤلو اۆزرینده یئنی بیر جیسمی ائندیردی" ایفاده‌لرینی ایشلتدی.
آمریکا بیرلشمیش دؤولتلری اوردوسو، داها ارنجه مونتانا اۆزرینده معین ائتدیگی چینه عاید بیر یوکسک ارتفاع بالونونو ۴ فوریه‌ده گۆنئی کارولینا ساحللرین‌ده وورموشدو.
پنتاگون، ۹ فوریه‌ده آلاسکایا اۆزرینده تانیملاناممایان بیر جیسیم وورموشدو.
دۆنن ایسه کانادانین باشباخانی جاستین ترودو، آمریکا بیرلشمیش دؤولتلری ایله ایش بیرلیگی ایچینده کانادانین یوکون بؤلگه‌سی اۆزریندنه بیر جیسمی دۆشوردوکلرینی آچیقلامیشدی.
بئله‌جه، آمریکا بیرلشمیش دؤولتلری اوردوسو سون ۱۰ گون ایچینده بیر چینه عاید یوکسک ارتفاع بالونو و ۳ تانیملاناممایان جیسم اولماقلا توپلام ۴ هاوا عنصورونو دۆشورموش اولدو.
نوراد، نۆوه سلاحلارینین یئرلشدیریلدیگی مونتانا ایالتی اۆزرینده غیر عادی رادار حرکتلیلیگی معین ائتدیگی سببی ایله بؤلگه‌نی قیسا مدت اوچون اوچوشا قاپاتدی آنجاق ائدیلن آراشدیرمادا رادار فعالیتی ایله ایلیشکیلندیریله‌جک هئچ بیر جیسیم تاپابیلمدیکلرینی آچیقلادی.
