مایکروسافت ۱۰ مین چالیشانینی ایشده‌ن چیخاراجاق
مایکروسافت شیرکتینین اؤنملی استراتژیک ساحه‌لرده ایشه آلیملاری داوام ائد‌جک
آمریکانین تکنولوژی شیرکتلرین‌دن اولان مایکروسافت، ۱۰ مین چالیشانینی ایشده‌ن چیخاراجاغینی آچیقلادی.
مایکروسافت اۆست یؤنه‌تیچیسی ساتیا نادلا، شیرکت چالیشانلاری ایله پایلاشدیغی یازیدا، اؤنملی دییشیکلیکلرین یاشاندیغی بیر دؤور‌دن گئچیلدیگینی، موشتریلر و ایش اورتاقلاری ایله گؤروشمه‌لر گئچیردیگینی بیلدیردی.
موشتریلرین دیجیتال خرجلرینی ان اویغون شکله گتیردیکلرینی ایفاده ائد‌ن نادلا، "آیریجا، دونیانین بعضی بؤلگه‌لری کسادلیق ایچینده اولدوغو و باشقا بؤلگه‌لر ده کسادلیق گؤزله‌دیگی اوچون هر بؤیوم و جغرافیاداکی قورولوشلارین احتیاط‌لی داوراندیغینی گؤروروک" دگرلندیرمه‌سینی پایلاشدی.
نادلا، شیرکتین بو وضعیت‌دن داها گوجلو و داها رقابتچی چیخاجاغیندان آرخایین اولدوغونو آنجاق بو اگلیشمه‌لره اویغون آددیملارین آتیلماسی لازیم اولدوغونو قید ائتدی.
مایکروسافتین خرجلرینی، گلیر و موشتری طلبی ایله اویغونلاشدیراجاقلارینی ایفاده ائد‌ن نادلا، بو چرچیوه‌ده ۲۰۲۳ مالی ایلینین اوچونجو دؤردده‌بیرینین سونونا قدر ۱۰ مین نفرین ایشده‌ن چیخاریلاجاغینی بیلدیردی.
ساتیا نادلا، بو سایینین مایکروسافتین توپلام چالیشان ساییسینین یۆزده ۵یندن داها آزینا اویغون گلدیگینی خاطیرلاتدی و بعضی ساحه‌لرده وظیفه‌لر لغو ائدیلمکله یاناشی، اؤنملی استراتژیک ساحه‌لرده ایشه آلیملارا داوام ائد‌جکلرینی وورغولادی.
