مصرده اسرار دولو بیر مزار تاپیلدی
بیر اوغلان اوشاغینین، جسدینین باشینا گئچیردیلمیش بیر کتان توربا ایله بیرلیکده ۱۴۲ ایتین جسدلرینین اوزرینه یاتیردیلمیش حالدا تاپیلدیغینی ایفاده ائدیلدی
مصرده باشکند قاهیرهنین فیوم واحهسی اؤلولر شهریندهکی/نکروپولونداکی قازینلار زامانی ۱۴۲ ایتله بیرلیکده باسدیریلمیش بیر اوشاق مزاری تاپیلدی.
روسیا بیلیملر آکادمیسینین مصربیلیم آراشدیرمالاری مرکزینین سایتیندا وئریلهن آچیقلامایا گؤره، آرکئولوگلار، ۸-۹ یاشیندا بیر اوغلان اوشاغینین جسدینین باشینا گئچیردیلمیش بیر کتان توربا ایله بیرلیکده ۱۴۲ ایتین جسدلرینین اوزرینه یاتیردیلمیش حالدا تاپیلدیغینی ایفاده ائدیلدی.
مزارین روما دؤنمینه، میلاددان اؤنجه ۱-جی یۆز ایلدن میلاددان سونرا ۱-جی عصره قدر اولان زامان دیلیمینه عاید اولدوغو بیلدیریلدی.
روسیا علملر آکادمیسینین آچیقلاماسیندا،
"مرکزین متخصصلری طرفیندن کشف ائدیلهنلره بنزر دفن شکللری تکجه مصره عاید دئییل. ایتلرین کوتلوی شکیلده باسدیریلماسی مصرلیلرین و فیومدا یاشایان خارجیلرین، یئنی آیین اویقولاما بیچیملرینه یول آچان دین و بۆیو/سحر گؤروشلرینین بیر سنتزینه ایشاره ائتمه احتیمالی وار"
ایفادهلرینه یئر وئریلدی.
هریتیج دیلی سایتینین کشفله باغلی خبرینده ایسه، حیوان قالیقلارینین حیوان بیلیمچی گالینا بئلووا طرفیندن اینجهلندیگی، اوزمانین ایتلرین عینی واختدا اؤلدوگونو و اۆزرلرینده هئچ بیر خشونت علامتینه راستلانمادیغینی معین ائتدیگی قید ائدیلدی.
ایت قالیقلاریندا آنتیک مصر سو آنبارلاریندا یاییغین اولان گؤی گیل ایزلرینین اولدوغو، بونا گؤره ده حیوانلارین بیر سو داشقینی سیراسیندا عینی واختدا اؤلموش اولابیلهجگی بیلدیریلدی.
ایلگیلیلی خبرلر
آخینچی بیر سیناغی داها باشارییلا تاماملادی
بایراقدار آخینچی، دنیز اوستونده گئرچکلشدیریلن آتیش تستینی ده اوستون گۆجو ایله گئچدی