آمریکادا اف-۳۵ ساواش اوچاغی دۆشدو
سوسیال مئدیادا یاییلان گؤرونتولرده اوچاغین ائنیشینی تاماملاماق اوزره ایکن پیسته دۆشدوگو و پیلوتون اوتوراجاق آتما اوصولو ایله قورتولدوغو گؤرولور
آمریکانین تگزاس ایالتینده تعلیم اوچوشو حیاتا گئچیرهن اف-۳۵ب تیپی ساواش اوچاغی ائنیش زامانی دۆشدو.
مطبوعاتدا یئر آلان بیلگیلره گؤره، فورت وورت مشترک هاوا مرکزینده تعلیم اوچوشو حیاتا گئچیرهن اف-۳۵ب اوچاغی دیک ائنیش سیراسیندا دۆشدو.
پیلوت، اوتوراجاغین آتیلماسی ایله قورتولدو.
سوسیال مئدیادا یاییلان گؤرونتولرده اوچاغین ائنیشینی تاماملاماق اوزره ایکن پیسته دۆشدوگو و پیلوتون اوتوراجاق آتما اوصولو ایله قورتولدوغو گؤرولور.
پنتاگون سؤزچوسو پاتریک رایدر، قونو ایله باغلی بیر سوال اوزرینه، اوچاغین هله آمریکا حکومتینه تحویل وئریلمهدیگینی، اۆرهتیچی شیرکت لاکهید مارتینین اوچاغی اولدوغونو و بیر آمریکا اوردوسونون پیلوتو طرفیندن اوچوردولدوغونو دیله گتیردی.
رایدر، پیلوتون وضعیتینین یاخشی اولدوغونو بیلدیردی.
اف-۳۵ب اوچاقلاری تئز تئز تکنیک آخسامالاری ایله گوندمه گلیر. بوندان اؤنجه آمریکا، ژاپن، آسترالیا و اینگیلترهیه عاید اف-۳۵ب سریسی اوچاقلار دۆشموشدو.