ان اسکی ییرتیجی فسیلی تاپیلدی

اینگیلتره‌ده بیلینن ان اسکی ییرتیجی فسیلی تاپیلدی.

بیلیم اینسانلاری، ۲۰۰۷ده تاپیلان فسیلین ۱۵ ایللیک آراشدیرمالاردان سونرا بیلینن ان قدیم ییرتیجییا عاید اولدوغونو معین ائتدیلر.

بی‌بی‌سی‌ده یئر آلان خبره گؤره، لسترشرده‌کی چارن‌وود اورمانیندا تاپیلان ۵۶۰ میلیون ایللیک فسیلین حاضردا دنیزآنالارین دا ایچینده اولدوغو "کنیداریا" نؤوعونون اؤنچوسو اولدوغو دوشونولور.

سر دیوید اتنبرونون شرفینه "اورورالومینا آتنبورویی" آدلان‌دیریلان و پری‌کامبرین دؤوره عاید اولدوغو دوشونوله‌ن قالیق، حیوانلار عالمینده‌کی ییرتیجیلیق دلیللرینی تخمیناً ۲۰ میلیون ایل گئرییه آپاریر.

۲۰ سانتیمتر اوزونلوغونداکی فسیلین عینی زاماندا گئرچک بیر اسکلته صاحب بیر اورگانیزمین ایلک نومونه‌سی اولدوغو دوشونولور.

آکسفورد اونیوئرسیته‌سی آراشدیرماچیلارینین آراشدیرماسی، "نیچیر ایکالوجی ان ائوولوشون" درگیسینده یاییملاندی.