"کوروناویروس، آنفلوانزا ویروسو ایستاتوسو قازاناجاق"
دکتر اؤزلم توره‌جی: ایندیدن آرخایینلیقلا دئیه بیلریله‌جگیمیز شئی، یاواش-یاواش یئنی بیر نورمال‌لیغین یئرلشدیگیدیر
اونایلان ایلک یئنی نسیل کوروناویروس (کووید-۱۹) آشینی حاضرلایان آلمانیانین بیوان‌تک شیرکتینین قوروجولاری دکتر اؤزلم توره‌جی و پروفسور دکتر اوغور شاهین، سالغینین نه واخت بیته‌جگی ایله باغلی،
"ایللر گئچدیکجه ویروس، جمعیتین بعضی گروپلارینین هر ایل و یا ایکی ایلده بیر آشیلاندیغی آنفلوانزا ویروسو ایستاتوسو قازاناجاق، کوروناویروس داها کنترل ائدیله‌بیلیر ویروسا چئوریله‌جک" دئدی.
کووید-۱۹ واریانتلارینا توخونان شاهین،
"حاضردا بیز نیسبتاً کیچیک بیر کؤنول‌لو قروپون‌دا واریانت آشیلارینی سیناق‌دان گئچیریریک. گونئی آفریقا بتا واریانتی ایله باغلی آراشدیرما هارداسا تاماملاندی و دلتا واریانتی حاقین‌دا معلومات توپلاماق اوچون داوام ائد‌ن آراشدیرما وار" دئدی.
کووید-۱۹ سالقینینین گله‌جگی ایله باغلی اؤن‌گؤرولرینی پایلاشان توره‌جی ده،
"ایندیدن آرخایینلیقلا دئیه بیلریله‌جگیمیز شئی، یاواش-یاواش یئنی بیر نورمال‌لیغین یئرلشدیگیدیر. بیز بونو آرتیق حس ائدیریک. ویروسلا نئجه موباریزه آپاراجاغیمیزی اؤیره‌نیریک" دئدی.
توره‌جی بئله داوام ائتدی:
"جمعیتین بؤیوک بیر بؤلومو باغیشیق اولدوغو اوچون داها سربست حرکت ائده‌بیله‌جگیمیز بیر نورمال‌لیق اولاجاق. طبیعی کی، ویروسلا داها بیر نئچه ایل مشغول اولاجاغیق. ایللر گئچدیکجه جمعیتین بعضی قروپلارینین ایلده بیر و یا ایکی ایلده بیر آشیلاندیغی گریپ ویروسو ایستاتوسو قازاناجاق، کوروناویروس داها کنترل ائدیله‌بیلن بیر ویروس اولاجاق".
شاهین ایسه مؤوجود کووید-۱۹ آشیسینین دییشدیریلمه‌سینه احتیاج اولمادیغینی بیلدیررک:
"حاضردا مؤوجود آشینین دییشدیریلمه‌سینه احتیاج یوخ‌دور. آنجاق یئنی واریانت واکسنلر اوره‌ته‌بیله‌جگیمیز بیلریک و حاضردا ایستیفاده ائتدیگیمیز واکسنلر قدر گوونلی اولدوقلارینی گؤسترمک اوچون کلینیک اولاراق تست ائده‌بیلدیگیمیزی گؤسترمک ایسته‌ییریک" دئدی.
