آئودی‌ شیرکتیندن قناعت تدبیری

آلمانیادا فولکس واگن قروپونا باغلی ماشین اوره‌تیچیسی آئودی، کمر سیخما سیاستی چرچیوه‌سینده اؤلکه‌دکی کارخانا‌لاردا 2025ه قدر 9 مین 500 پوزیسیونون لغو ائدیله‌جگینی آچیقلادی.

آئودی‌نین ائدیلن آچیقلامایا گؤره، آلمان شیرکت کمر سیخما سیاستی چرچیوه‌سینده خرج‌لری آزالتماق اوچون قناعت تدبیرلرینی دؤوره‌یه سوخا‌جاق.

شیرکت، سؤز موضوعسو قرارین ایشچی نماینده‌لری هئیتی ایله اوزون سورن موذاکیره‌لر نتیجه‌سینده الده اولونان آنلاشمانین نتیجه‌سی اولا‌راق آلیندیغینی خاطیرلادارکن ایشچی‌لرین ایشدن چیخاریلمایاجاغی‌نین وورغولادی.

ایشدن چیخارمانین یئرینه بوش پوزیسیونلار اوچون یئنی پرسونل آلیشی ائدیلمه‌یه‌جک، چالیشان پرسونله ارکن امکلیلیک تکلیف‌لری آپاریلا‌جاق.

آئودی‌نین آچیقلاماسیندا 2025ه قدر الکتریک‌لی واسطه پروسه‌سینده حرکت‌لی‌لیک و دیجیتاللشمه باغلامیندا 2 مین یئنی پوزیسیون میدانا گتیرجگینه ده دقت چکیلدی. بو پوزیسیونلارین پرینسیپ اولا‌راق شیرکت ایچین‌دن دولدورولاجاغی دا وورغولاندی.