دونیانین ان سرعتلی یئل تونلی
یئنی مدل اوچاغین پکندن آمریکانین نیویورک شهرینه ۲ ساعاتدا یولچو و یوک داشییاجاق گوجده اولدوغو قید ائدیلمیشدی
چینلی مهندسلر، اؤنچو تکنولوژی هیپرسونیک اوچاقلاری تست ائتمک اوزره دونیانین ان سرعتلی یئل تونلینی اینشا ائتدی.
چین خبر آژانسی شینهوادا یئر آلان خبره گؤره، چین بیلیملر آکادمیسینه باغلی یوکسک باسینج گاز دینامیکی لابراتورو آراشدیرماچیلاری، سس سرعتینین ۲۵ قاتینا قدر آخیشا یئتیشهبیلن تست مقصدلی کولک تونلینین تیکینتیسینی باشا ووردوقلارینی بیلدیردی.
۲۶۵ متر اوزونلوغونداکی تونل، سس سرعتینین ۲۵ قاتی اولان، ماچ ۲۵ شدتینه قدرکی یوکسک هیپرسونیک اوچوشلارین سیمولاسیونونون ائدیلمهسینه ایمکان وئرهجک.
کولک تونللری، تست ائدیلن نسنهلره هاوا اوفلهیهرک بوشلوقدا اوچار حالدا گؤزلملنمهسینی تامین ائدیر.
هاواچیلیق مهندسلری، یئل تونللرینی هاوا آراجی تاساریملارینی تست ائتمکده ایستیفاده ائدیر.
آراشدیرماچیلار، فوریه آییندا تانیدیلان هیپرسونیک اوچاق مدلینین یئنی اینشا ائدیلهن کولک تونلینده تست ائدیلدیگینی بیلدیردی.
یئنی مدلین پکندن آمریکانین نیویورک شهرینه ۲ ساعاتدا یولچو و یوک داشییاجاق گوجده اولدوغو قید ائدیلمیشدی.
ماچ اؤلچوسو، سس سرعتینین اؤتهسینداکی آخیشلاری ایضاح ائتمکده ایستیفاده ائدیلیر.
سس سرعتینین یوزده ۳۵ینه قدر چاتان ماچ ۱ گوجوندهکی آخیشلار، "ترانسونیک"، ماچ ۱ ایله ماچ ۵ گوجوندهکی آخیشلار "سسدن سرعتلی"، ماچ ۵ ایله ماچ ۱۰ گوجوندهکی آخیشلار "هیپرسونیک" و ماچ ۲۵ه قدر اولان آخیشلار "یوکسک هیپرسونیک" آدلانیر.