فیسبوک 110 میلیون جریمه اولدو
آوروپا بیرلیگی کومیسیونو کئچن آیلاردا فیسبوک-و 2014-جی ایلده بیرلشمه پروسهسینده کی ایلک آچیقلامالارینین عکسینه حرکت ائتدیگی و آوروپا بیرلیگی دوزنلهمهلرینه ضد داوراندیغی اوچون رسمی صورتده گوناهلاندیردی.
آوروپا بیرلیگی فیسبوک-و 110 میلیون یورو مبلغینده جریمه ائتدی.
فیسبوک، وات ساب-ی 2014-جی ایلده تقریباً 22 میلیارد دولارا ساتین آلمیشدی.
شیرکت وات ساب-ی ساتین آلارکن آوروپا دوزنلهییجی تشکیلاتینا شخصی معلوماتلاری توپلامایاجاغی، ایکی شیرکت آراسیندا پایلاشمایاجاغی و ایستیفادچی حسابلارینین بیرلشتیریلمهیهجگی بارهده تعهد وئرمیشدی. لاکین وات ساب آوقوست آییندا حیاتا کئچیردیگی سیاست دییشیکلیگی ایله تلفون نؤمرهلری، پروفیل آدلاری کیمی موختلیف ایستیفادچی معلوماتلارینی آنا فیرما فیسبوک-لا بؤلوشمهیه باشلادی.
آوروپا بیرلیگی کومیسیونو کئچن آیلاردا فیسبوک-و 2014-جی ایلده بیرلشمه پروسهسینده کی ایلک آچیقلامالارینین عکسینه حرکت ائتدیگی و آوروپا بیرلیگی دوزنلهمهلرینه ضد داوراندیغی اوچون رسمی صورتده گوناهلاندیردی.
فیسبوک-ون آوروپا کومیسیونونا وئردیگی جاوابلار و آچیقلامالار قبول اولمادی و شیرکته 110 میلیون یورو مبلغینده جزا کسیلدی.
آوروپادا فعالیت گؤسترن بؤیوک میقیاسلی شیرکت بیرلشمهلرینه، و یا ساتین آلمالارینا نظارت ائتمک آوروپا کومیسیونونو سلاحیتلری چرچیوهسیندهدیر. آوروپا کومیسیونو بو آراشدیرمالاردا رقابته ضد بیر وضعیت اولوب -اولمادیغینی دیرلندیریر.