جاوان‌لیق اکسیری تاپیلدی

هلند-ین اراسموس اونیورسیته سینده سیچان‌لار اوزرینده آپاریلان سیناق نتیجه‌سینده اونلارین بعضی اورگان‌لاری‌نین فعالیتینی اوولکی وضعیتینه گتیرمک مومکون اولوب. یعنی اینکیشاف‌دان قالمیش بیر سیچانا بو داوادان وئریلدیک‌دن سونرا بد‌ن ینده یئنی‌دن توک‌لر چیخماغا باشلاییب، قاراجیر و بؤیره ک‌لری‌نین فونکسیونو قوووتلنیب.

حاضردا آراشدیرمانی حیاتا کئچیرن قروپ داوانی اینسان اوزرینده سیناق‌دان کئچیرمگی دوشونور.

حکیم پیتر کیزرین بی بی سی-یه وئردیگی آچیقلامایا گؤره، اینسان‌لار بو آراشدیرماسینا گؤره اونون دلی اولدوغونو دوشونور:

"کئچن ایل یئنه سیچان‌لار اوزرینده آپاریلان تجروبه‌ده یاش‌لی حجره لرین اؤز-اؤزلرینی محو ائتمه‌سی موشاهیده اولونموشدو. بو اصوللا سیچان‌لارین عمرو معین قدر اوزاتماق مومکون ایدی. بو آراشدیرما ایسه یاش‌لی حجره لرین محو ائدیلمه‌سی ایله بیرباشا اولا‌راق یاشلانمانین قارشی‌سینی آلیر.

اینسان یاشلاندیقجا حجره لر اینکیشاف‌دان قالیر و اورگان‌لارین فونکسیونو گئتدیکجه ضعیف لییر. اینانیریق کی، بو سیناق‌دان سونرا ایستدیگیمیز نتیجه‌نی الده ائدجییک".

قئید ائدک کی، جاوان‌لیق اکسیری ایله باغلی تجروبه‌لر آرتیق چوخ مدت‌دیر موختلیف عالیم‌لر طرفین‌دن آپاریلیر.