کؤک حوجره‌‌دن یومورتا الده ائتدی‌لر
ژاپن بیلیم آداملاری لابراتوار شرایطینده یارادیلان صونی یومورتا‌لاردان بالا سیچان‌لار الده ائتمه‌یی باجاردی‌لار.
بو متودون سونسوزلوغون و ژنتیک خسته‌لیک‌لرین موا‌لیجه‌سی اوچون یئنی بیر اومید منبعی اولماسی گؤزلنیلیر.
ژاپن بیلیم آداملاری لابراتوار شرایطینده یارادیلان صونی یومورتا‌لاردان بالا سیچان‌لار الده ائتمه‌یی باجاردی‌لار.
کیوشو اونیورسیته‌سی‌نین آراشدیرماجیلاری یئتیشکین سیچانین قویروغون‌دان گؤتوردوک‌لری دری حوجره لردن اولجه، کؤک حوجره الده ائتدی‌لر.
داها سونرا کؤک حوجره‌لری یومورتایا چئوریرن آراشدیرماجیلار صونی یومورتا‌لاری لابراتوار شرایطینده مایالان‌دیرا‌راق دیشی سیچان‌لارین بطنینه یئرلشدیردی‌لر.
لابراتوار شرایطینده الده اولونان یومورتا‌لاردان دوغولان کؤرپه سیچان‌لارین سون درجه ساغلیکلی اولدوغو و چوخالدیغی بیلدیریلدی.
کیوشو یونیورسیته‌سی کؤک حوجره بیولوژی بؤلومونوندن پروفسور کاتسوهیکو حایاشی: " ایلک دفعه کؤک حوجره لردن ایشه‌یه‌بیلن یومورتا الده ائتدیک. ایندی اساس ایشیمیز صونی یومورتا‌لارین کیفیتی‌دیر. کیفیته نظارت متودون گله‌جکده اینسان‌لار اوزرینده تطبیقینه ایمکان یارادا‌جاق"دئدی.
آراشدیرماجیلار داها اول ده یئتیشمه‌میش امبریون کؤک حوجره لری ایستیفاده ائده‌رک آزمایشگاه محیطینده اسپرم الده ائتمه‌یه نایل اولوبلار.
آراشدیرما "Nature " ژورنالیندا درج اولوندو.
ایلگیلی‌لی خبرلر
آخینچی بیر سیناغی داها باشارییلا تاماملادی
بایراقدار آخینچی، دنیز اوستونده گئرچکلشدیریلن آتیش تستینی ده اوستون گۆجو ایله گئچدی
