خسته‌لیک‌لر الکتریکله معا‌لیجه ائدیله‌جک
بیلیم آدام‌لاری، عصب حوجره‌لرین‌دکی سیگنال‌لاری الکتریک آخیمی کونترول آلتینا آلا‌راق بعضی خسته‌لیک‌لری معا‌لیجه ائتمگی باشاردی
خسته‌لیک‌لر الکتریکله معا‌لیجه ائدیله‌جک
علم آدام‌لاری، عصب حوجره‌لری‌نین الکتریکله کونترول ائدیلمسیله آرتریت، آسم و دیابت کیمی بیر چوخ خستلیگین معا‌لیجه ائدیله بیله‌جگینی کشف ائتدی.
مرکزی لندنده اولان گالوانی بیوالکترونیک شیرکتی، لابوراتوری اورتامیندا ائدیلن تجروبه‌لرده حیوان‌لارا ایچینده الکترود اولان کیچیک سیلیکون باش‌لیق‌لار ایلیشدیگی و عصبلره الکتریک گؤندریله‌رک داشیدیق‌لاری مساژلارین کونترول ائدیلدیگینی آچیقلادی.
متودو تیپ 2 دیابت اوچون تطبیق ائدن آراشدیرماچی‌لار، بویون‌داکی آتاردامار جیواریندا یئر آلان، بدن‌دکی شکر و اینسولین سویه‌سی‌نین کونترول ائدن عصبلری ده الکتریکله خبردار ائتمگی باجاردی.
شیرکتین اورتاقلاریندان گلاکسو اسمیت کلاین صدر معاوینی کریس فمم، بی.بی.سی-یه ائتدیگی آچیقلامادا "تیپ 2 دیابت عصبلردکی سیگنال‌لارین آرتدیغینی موشاهیده ائتدی‌لر. دیابت‌لی سیچان‌لاردا بو سیگنال‌لاری الکتریک جریانی سایه‌سینده بلوکا ائتدیگیمیزده بد‌نین اینسولینه قارشی حساس‌لیغی‌نین اؤنونه گئچیله‌بیلیر." ایفاده‌لرینی ایستیفاده ائتدی.
فمم، اصولون دیگر بعضی خسته‌لیک‌لرده ده مثبت جواب وئردیگینی ایفاده ائتدی.
عصب سیگنال‌لاری‌نین بدن‌دکی تأثیرلرینی آنلامادا هله یولون باشیندا اولدوق‌لارینا ایشاره ائدن فمم، عصب سیستمین‌دکی سیگنال‌لارین چوخلوغو و ریتملری‌نین بدن‌دکی تأثیرلری‌نین چوخ فرق‌لی اولدوغونو، اصولون اینسان‌لاردا اویغولانیر حالا گلمه‌سی اوچون ایشلرینه داوام ائده‌جک‌لرینی قید ائتدی.
گلاکسو اسمیت کلاین و وریلی لایف ساینس اورتاق‌لاری ایله قورولان گالوانی بیو الکترونیک، معا‌لیجه اصولونو ان گئج یئددی ایل ایچینده مسئول‌لارین تصدیقینه تقدیم ائتمگی پلانلاشدیریر.
ایلگیلی‌لی خبرلر
آخینچی بیر سیناغی داها باشارییلا تاماملادی
بایراقدار آخینچی، دنیز اوستونده گئرچکلشدیریلن آتیش تستینی ده اوستون گۆجو ایله گئچدی
