خامنه‌ای: خبیث رژیم جزالاندیریلاجاق
"کونسوللوغوموزا هوجوم ائتدیکلرینده تورپاقلاریمیزا هوجوم ائتمیش ساییلارلار و بو اولوسلارآراسی عرفدور"
ایران لیدئری آیت‌الله علی خامنه‌ای، ایسرائیلین دممشقده‌کی ایران کونسوللوغونا سالدیریسینین اؤلکه‌سینین تورپاقلارینا سالدیری معناسینی وئردیگینی ایفاده ائد‌رک،
"خبیث رژیم بیر یانلیش ائتدی، جزالاندیریلمالی و جزالاندیریلاجاق" ایفاده‌لرینی ایشلتدی.
ایران رسمی خبر آژانسی ایرنایا گؤره، خامنه‌ای، باشکند تهرانداکی بؤیوک مصلی مسجیدینده اؤزونون قیلدیردیغی بایرام نامازینین خطبه‌سینده، ایسرائیلین سالدیریلارینا دا توخوندو.
بعضی باتیلی یؤنه‌تیملرین، غزه یولاغیندا سالدیریلارینی داوام ائتدیره‌ن ایسرائیله وئردیگی دستگی تنقید ائد‌ن خامنه‌ای،
"باتیلی حکومتلر اوزون ایللر بویو غصبچی رژیمی دستکله‌دی و اولوسلارآراسی چئوره‌لرده اونا هر جور کؤمگی تعمین ائتدیلر. البته بعضیلری سؤزلو اولاراق غزه‌ده‌کی خالقا دستک وئره‌ن بیر شئیلر سؤیله‌دی آنجاق عملده یالنیز (سالدیریلارا) مانع تؤرتمه‌مکله قالمادیلار، بیر چوخو دا کؤمک ائتدی. اؤزللیکله آمریکا بیرلشمیش دؤولتلری و اینگیلتره‌نین کیبیرلی و ظالم حکومتلری" دئدی.
خامنه‌ای، ایسرائیلین غزه یولاغیندا‌کی سالدیریلاریندا یاشلیلارین، عائله‌لرین، اوشاقلارین و قادینلارین اؤلدورولدوگونه دقت چکه‌رک،
"اینسان حاقلارییلا باغلی غریبه ماهنیلارییلا دونیانین قولاقلارینی کار ائد‌نلر هارادا؟ گؤره‌سه‌ن اونلار (فیلیسطینلیلر) اینسان دئییل می و حاقلاری یوخ مو؟" دئیه دانیشدی.
ایسرائیلین ۱ آوریلده دمشقده‌کی ایران کونسوللوغونا تشکیل ائتدیگی و ایکیسی ژنرال روتبه‌سینده ۷ ایرانلی عسگری مسئولون حیاتینی ایتیردیگی سالدیرییا دا توخونان خامنه‌ای، بونلاری سؤیله‌دی:
"کونسوللوق و ائلچیلیک نماینده‌لیکلری او اؤلکه‌نین تورپاغیدیر. کونسوللوغوموزا هوجوم ائتدیکلرینده تورپاقلاریمیزا هوجوم ائتمیش ساییلارلار و بو اولوسلارآراسی قانوندور. خیث رژیم بیر یانلیش ائتدی، جزالاندیریلمالی و جزالاندیریلاجاق".
