ایسرائیل رفح‌ده‌کی کرم ابوسلیم سرحد قاپیسینین یئنیدن آچیلدیغینی آچیقلاییب
اینسانی یاردیم داشییان یوک ماشینلارینین مصردن کرم ابوسلیم سرحد قاپیسینا گئتمه‌یه باشلادیغی بیلدیریلیب
ایسرائیل اکتبرین 7-دن بری هوجوما معروض قالان غزه زولاغینین گونئیینده‌کی رفح‌ده‌کی کرم ابوسلیم سرحد قاپیسینین اینسانی یاردیملارین گیریشی اوچون یئنیدن آچیلدیغینی آچیقلاییب.
ایسرائیل اوردوسونون ایکس پلاتفورمونداکی حسابیندان ائدیلن آچیقلامادا، بیلدیریلیب کی، ایسرائیل مودافیعه ناظیرلیگینه باغلی بؤلگه‌لرده حؤکومت فعالیتلرینین کووردیناسیونونون غزه‌دن گلن هوجوملار سببیله باغلانان کرم ابوسلیم سرحد قاپیسینی اینسانی یاردیملارین کئچمه‌سی اوچون یئنیدن آچیب.
آچیقلامادا، اینسانی یاردیم داشییان یوک ماشینلارینین مصردن کرم ابوسلیم سرحد قاپیسینا گئتمه‌یه باشلادیغی بیلدیریلیب.
ایسرائیل اوردوسو می آیین 5-ده کرم ابوسلیم بؤلگه‌سینه راکت هوجوملاریندا 4 عسگرینین حیاتینی ایتیرمه‌سیندن سونرا اوراداکی سرحد قاپیسینین غزه‌یه یاردیم آپاران یوک ماشینلارینین کئچیدینه باغلاندیغینی آچیقلاییب.
دیگر طرفدن، شاهیدلر قید ائدیبلر کی، سؤزوگئدن حادیثه‌دن سونرا ایسرائیل ساواش اوچاقلاری رفح شهری اطرافینداکی اکینچیلیک ساحه‌لرینه هوجوم ائدیب.
