خامنه‌ای فیلیسطین ایسلامی جهاد حرکاتینین باش کاتیبی ضیاد النهاله ایله گؤروشوب
خامنه‌ای: صهیونیست رژیمین بوتون حربی تکنیکلری و دونیانین غدّار قوه‌لرینین دستیی ایله قادین و اوشاقلاری قتله یئتیرمه‌سی گؤستریر کی بو رژیمین مقاومت و مقاومت قوه‌لرینه غالیب گلمک گوجو یوخدور
ایرانین دینی لیدری آیت‌الله علی خامنه‌ای فیلیسطین ایسلامی جیهاد حرکاتینین باش کاتیبی ضیاد النهاله و اونو موشایعت ائدن نماینده هیئتی ایله فیلیسطین و غزه‌ده‌کی وضعیتی مذاکره ائدیب.
ایرانین رسمی آژانسی ایرنانین خبرینه گؤره، خامنه‌ای پایتخت تهراندا النهاله و اونو موشایعت ائدن نماینده هیئتینی قبول ائدیب.
گؤروش زامانی غزه‌ده باش وئرن حادثه‌لره توخونان خامنه‌ای: "صهیونیست رژیمین بوتون حربی تکنیکلری و دونیانین غدّار قوه‌لرینین دستیی ایله قادین و اوشاقلاری قتله یئتیرمه‌سی گؤستریر کی بو رژیمین مقاومت و مقاومت قوه‌لرینه غالیب گلمک گوجو یوخدور." قیمتلندیرمه‌سینی ائتدی.
النهاله همچنین بوتون چتینلیکلره باخمایاراق غزه خالقینین فیلیسطین مقاومت قوه‌لری ایله بیرلیکده آمریکا و ایسرائیلین پلانلارینی آلت-اوست ائتدیگینی بیلدیریب و مقاومت قوه‌لری، مخصوصا ده حماس و ایسلامی جیهاد حرکاتلاری آراسیندا تام کووردیناسیون اولدوغونو بیلدیریب.
غزه‌ده‌کی وضعیتی دیرلندیرن النهاله، "غزه خالقی و مقاومت قوه‌لری سون غلبه‌یه قدر دیمدیک دورماغا داوام ائده‌جک و الله‌ین لطفو ایله سون غلبه چوخ دا اوزاق اولمایان بیر زاماندا الده ائدیله‌جک" دئدی.
خامنه‌ای چرشنبه آخشامی دا رسمی تماسلاری چرچوه‌سینده تهراندا اولان حماس سیاسی ایداره‌سینین صدری ایسماعیل هنیه ایله گؤروشوب.
ایلگیلی‌لی خبرلر
حوثی لر:"ایسراییل گمیسینی ووردوق"
یمن-ده‌کی حوثی لر عدن کؤرفزینده ایسراییل گمیسینی ووردوق‌لارینی بیلدیریب‌لر.
