ارمنیستان اوروپا بیرلیگینه گیرمک ایستییر
بورل: اوروپا بیرلیگی یاخین گلجکده ارمنیستانلا تهلوکهسیزلیک و مودافیعه ساحهلرینده علاقهلرینی درینلشدیرمهیی نظردن کئچیریر
ارمنیستان مجلیسینین باشقانی آلن سیمونیان بیلدیریب کی، اؤلکه اوروپا بیرلیگی ایله موناسیبتلری درینلشدیرمهیه وه نامزد وضعیتی اوغروندا چالیشمایا حاضیردیر.
سیمونیان، اؤلکهسینین تهلوکهسیزلیگینین ماکسیموم تأمیناتینا دوغرو آددیم آتاجاقینی بیان ائدیب و "بو گون دموکراتیک اؤلکه اولماغین اؤزو تهلوکهسیزلیگین اساس تمیناتیدیر. بیز حساب ائدیریک کی، تهلوکهسیزلیگیمیز دموکراتیک سیستمله سیخ امکداشلیقدان آسیلیدیر." دئییب.
بوندان اول اوروپا بیرلیگینین خاریجی ایشلر و تهلوکهسیزلیک سیاستی اوزره عالی نومایندهسی جوزپ بورل بیلدیرمیشدی کی، اوروپا بیرلیگی و ارمنیستان «ایدعالی امکداشلیغی گوجلندیرمک» سعیینه باشلایاجاقلار.
بو قرار ارمنیستانین باش ناظیری نیکول پاشینیان اوروپا پارلمانیندا اؤلکهسینین اوروپا بیرلیگی ایله یاخینلاشماق نییتینی بیان ائتمسیندن سونرا قبول ائدیلیب.
بورل همچینین بیان ائدیب کی، اوروپا بیرلیگی یاخین گلجکده ارمنیستانلا تهلوکهسیزلیک و مودافیعه ساحهلرینده علاقهلرینی درینلشدیرمهیی نظردن کئچیریر.
ارمنیستان 2009 ایلیندن اوروپا بیرلیگینین دوغو طرفداشلیغی لایحهسینده ایشتیراک ائدیر.
بوندان علاوه، اؤلکه 2015 ایلیندن اوراسیا ایقتیصادی بیرلیگینین عضوودور.
اولّر گورجوستان، مولدووا و اوکراین کیمی ارمنیستان دا اوروپا بیرلیگی ایله اورتاقلیق آنلاشماسی ایمضالاماقدان ایمتینا ائتمیشدی.
عینی زاماندا، ارمنیستان اوروپا بیرلیگی اؤلکهلرینه ایخراج اوچون الوئریشلی شرایط یارادان «عومومی ترجیهلر +» پروقرامی چرچیوهسینده اوروپا بیرلیگیندن تیجارت ایمتیازلاری آلمیش آزسایلی اؤلکهلردن بیریدیر.