میصر-داکی یاردیم‌لار سرحد-کئچید منطقه‌سینه گؤندریلیب
میصر-داکی یاردیم ماشین‌لاری ایسراییلین محاصیره‌سی آلتیندا اولان غزه زولاغینا چاتدیریلماق اوچون رفح سرحد-کئچید منطقه‌سینه گؤندریلمه‌یه باشلانیب.
میصر-داکی یاردیم ماشین‌لاری ایسراییلین محاصیره‌سی آلتیندا اولان غزه زولاغینا چاتدیریلماق اوچون رفح سرحد-کئچید منطقه‌سینه گؤندریلمه‌یه باشلانیب.
میصر قیزیل آی جمعیتی‌نین قوزیی سنا مودیری خالد زید ایسراییل-ین بومباردمان‌لاری آلتیندا اولان غزه زولاغینا داخیل اولماق اوچون حاضیرلیق‌لار چرچیوه‌سینده آریش شهریندن رفح سرحد-کئچید منطقه‌سینه یاردیم ماشین‌لاری‌نین گؤندریلمه‌یه باشلادیغینی آچیقلاییب.
یوک ماشین‌لاریندا قیدا و طبی لوازیمات‌لارین اولدوغونو بیلدیرن خالد زید یاردیمین رفح-دن غزه-یه نه واخت کئچمه‌سینه ایجازه وئریله‌جگی‌نین دقیق بیلینمه‌دیگینی، لاکین میصر رسمی‌لری‌نین یوک ماشین‌لاری‌نین کئچیده دوغرو سرعتله حرکته باشلاماسینی طلب ائتدیگینی وورغولاییب.
قئید ائدک کی، میصر قیزیل آی جمعیتی " فیسبوک" سوسیال شبکه‌سینده‌کی پای‌لاشیم‌لاریندا میصردن گلن قورو یاردیم کاروان‌لاری، همچنین تورکیه، اوردن و بیرلشمیش عرب امیرلیک‌لریندن گلن اوچاق لار ایله تون‌لارلا یاردیم ماتئریا‌لی‌نین العریش اولوسلار آراسی هاوا لیمانینا چاتدیریلدیغینی آچیقلاییب.
خاطیرلاداق کی، "حماس"ین حربی قانادی عزالدین قسام گردان لاری اوکتبرین 7-سی گئجه‌سی ایسراییله قارشی "القصی طوفانی" آدلی هرطرف‌لی هوجوما کئچیب. غزه-دن ایسراییله دوغرو مین‌لرله راکت آتیلیب، سلاحلی قروپ‌لار بؤلگه‌ده‌کی یاشاییش منطقه‌لرینه داخیل اولوب. ایسراییل اوردوسو دا دؤیوش اوچاق لاری ایله غزه زولاغینا قارشی "دمیر قیلینج‌لار" عملیاتینا باشلاییب.
آرتان گرگین‌لیکده هر ایکی طرف‌دن یوزلرله ایتکی، مین‌لرله یارا‌لی وار.
