افغانیستان زلزله‌سینده اؤلنلرین ساییسی آرتیر

افغانیستانین هرات ویلایتینده جمعه ائرته‌سی گونو میدانا گلن زلز‌له‌لرده حیاتینی ایتیره‌نلرین ساییسی ۲ مین ۴۴۵ نفره یوکسلدی.
طالبان گئچیجی حکومتینین طبیعی فلاکتلردن مسئول دؤولت باخانلیغی سؤزچوسو ملا جانان سایق، گونجل بیلگیلری پایلاشدی.
سایق، زلز‌له‌لرده ۲ مین ۴۴۵ نفرین حیاتینی ایتیردیگینی سؤیله‌دی.
۹ مین ۲۴۰ اولاراق آچیقلانان یارالی ساییسینین یانلیش اولدوغونو بیلدیرن سؤزچو سایق، گونجل یارالی ساییسینین ۲ مین ۴۴۰ اولدوغونو ایفاده ائتدی.
سایق، ایتکینلرین چوخونون زنده‌جان ولسوالیسینین ۱۳ کندینده اولدوغونو و زلز‌له‌لرده ۱۳۲۰ ائوین ده ییخیلدیغینی ایفاده ائتمیشدی.
هرات والیسی نور احمد اسلامجار، اولوسلارآراسی توپلوما دئپرمدن ضرر گؤرنلر اوچون عاجیل کؤمک چاغریسی ائدرک، عاجیل شکیلده درمان و غذا یاردیمینا احتیاج دویدوقلارینی بیلدیرمیشدی.
آمریکا بیرلشمیش دؤولتلری ژئولوژیک آراشدیرمالار مرکزینه گؤره، جمعه ائرته‌سی گونو افغانیستانین باتیسیندا، ایران سرحدینده اولان هرات ویلایتینده یئرلی ساعاتلا ۱۱.۰۰دهان اعتباراً آرد آردا و چوخ ساییدا زلز‌له میدانا گلمیشدی.