مراکش-ده زلز‌له‌دن اؤلن‌لرین سایی 3 مینه یاخینلاشیر

مراکش-ده زلز‌له‌دن اؤلن‌لرین سایی 2 مین 960-آ یوکسلیب.

بو باره‌ده اؤلکه حکومتی‌نین سؤزچوسو مصطفی بیطاس ناظیرلر کابینه‌سی‌نین ایجلاسیندان سونرا آچیقلاییب.

اراضیده ایشلرین داوام ائتدیگی بیر واختدا داغیلمیش ائولرین ساییلماسی پروسه‌سی‌نین موختلیف پایچی‌لار آراسیندا کووردیناسیون اساسیندا آپاریلدیغینی قئید ائدن مطبوعات کاتیبی حکومتین ضرر چکمیش ائولرین حسابلانماسینی گلن آیین سونونا قدر باشا چاتدیراجاغینا اومید ائتدیگینی دئییب.

سؤزچوسونون دئدیگینه گؤره، حسابلاما پروسه‌سی باشا چاتدیق‌دان سونرا بو سپتامبردان باشلایا‌راق بیر ایل عرضینده زلز‌له‌دن ضرر چکمیش هر عائله‌یه آیلیق 2 500 درهم (250 امریکا دو‌لاری) مبلغینده اؤدنیش ائدیله‌جک.

خاطیرلاداق کی، داها اؤنجه کراللیغین ایچ ایشلر ناظیرلیگی طبیعی فلاکت‌دن 2 مین 946 نفرین اؤلدوگونو آچیقلامیشدی.

قئید ائدک کی، مراکش میللی ژئوفیزیک اینستیتوتون‌دان وئریلن آچیقلامایا گؤره، 7 شدتینده زلز‌له سپتامبرین 7-ده یئرلی واختلا ساعات 23:11-ده (آنکارا واختی ایله سپتامبرین 8-ده ساعات 02:11-ده) باش وئریب. زلز‌له‌نین مرکزی مراکش-صافی بؤلگه‌سینه داخیل اولان ال-هاوز ایالتینده یئرلشن ایگیل بؤلگه‌سینده اولوب، یئرالتی تکان‌لارین مرکزی 8 کیلومتر درینلیکده یئرلشیب.