زلنسکی اوکراینانین ساوونما ناظیری پوستونا رستم عمرووو تکلیف ائدیب
اوکراینا پرزیدنتی ولودیمیر زلنسکی قیریم تاتار تورکو رستم عمرووون ساوونما ناظیری تعیین ائدیلمه‌سینه قرار وئردیگینی آچیقلاییب.
اوکراینا پرزیدنتی ولودیمیر زلنسکی قیریم تاتار تورکو رستم عمرووون ساوونما ناظیری تعیین ائدیلمه‌سینه قرار وئردیگینی آچیقلاییب.
بونونلا باغلی زلنسکی سوسیال مئدیا حسابیندا پای‌لاشیم ائدیب.
"حساب ائدیرم کی، ناظیرلیگین هم اوردو ایله، هم ده بوتؤولوکده جمعیتله یئنی یاناشما‌لارا و دیگر قارشی‌لیق‌لی فعالیت فورمات‌لارینا احتیاجی وار. ایندی ناظیرلیگه رستم عمروو باشچی‌لیق ائتمه‌لی‌دیر. اوکراینا عالی مجلیسی بو آدامی یاخشی تانیییر و جناب رستم عمرووون علاوه تقدیماتا احتیاجی یوخ‌دور. من پارلمانین بو نامیزدلیگی دستکله‌یه‌جگینی گؤزلییرم"، -دئیه زلنسکی قئید ائدیب.
زلنسکی پارلامئنتین قراری دستکله‌یه‌جگینه اومید ائتدیگینی بیلدیریب.
اولکسی رزنیکوو 2021-جی ایلدن اوکراینانین ساوونما ناظیری‌دیر.
رستم عمروو کیم‌دیر؟
1982-جی ایلده آنا‌دان اولان رستم عمروو اوکراینا تاریخینده ناظیر پوستونو توتان ایلک قیریم تاتاری اولوب.
قیریم تاتار تورک خالقی‌نین لیدئری و اوکراینا میللت وکیلی مصطفی عبدالجمیل قیریم اوغلونون مشاویری اولان عمروو اول‌لر اوکراینا دؤولت املاک فوندونون صدری و اوکراینا پرزیدنتی‌نین خصوصی نوماینده‌سی وظیفه‌لرینده چالیشیب.
پرزیدنتین مشورت شوراسی‌نین اوکراینانین عرب و مسلمان دؤولت‌لری ایله قارشی‌لیق‌لی علاقه‌سی اوزره کمیساری رستم عمروو 2022-جی ایلین فوریه آییندان اوکراینانین روسیا ایله دانیشیق‌لار قروپوندا یئر آلیب.
