ایران: قارشیلیق وئره‌جییک
"ایران، آمریکا بیرلشمیش دؤولتلرینین بیزیم گمیلریمیزه ال قویماسی داخیل هر جور شیطانجا حرکتینه قارشیلیق وئره‌جک و اونلارین گمیلرینه ال قویاجاق گوجده‌دیر"
ایران اینقیلاب گؤزتچیلری اوردوسو سپاه سؤزچوسو ژنرال رمضان شریف، نفت تانکرلرینه آمریکا بیرلشمیش دؤولتلری طرفین‌دن ال قویولماسی حالین‌دا، عینی شکیل‌ده جاواب وئرجگینی بیلدیردی.
ایران رسمی خبر آژانسینا گؤره، قوم شهرین‌ده بیر فعالیت‌ده دانیشان ژنرال رمضان شریف،
"ایران، آمریکا بیرلشمیش دؤولتلرینین بیزیم گمیلریمیزه ال قویماسی داخیل هر جور شیطانجا حرکتینه قارشیلیق وئره‌جک و اونلارین گمیلرینه ال قویاجاق گوجده‌دیر" دئدی.
ایران‌لی مقام، آمریکا بیرلشمیش دؤولتلرینین گیریشیملرینه قارشی لازیم تدبیرلری آلاجاقلارینی سؤیله‌دی.
آمریکا بیرلشمیش دؤولتلری، تطبیق ائتدیگی تک طرف‌لی تحریملر سببی ایله زامان زامان خام نفت داشییان ایرانا عاید تانکرلره ال قویور و بو گمیلرده‌کی نفتی ده ساتیر. ایران دا بونا قارشیلیق بصره کؤرفزی اطرافین‌داکی نفت تانکرلرینه "دنیزچیلیک قایدالارینا اویمادیغی" سببی ایله موداخیله ائدیر.
آمریکا بیرلشمیش دؤولتلری مئدیاسی ۳ آگوست‌دا پنتاگونون "ایرانین موداخیله‌لرینه قارشی هورموز بوغازین‌داکی گمیلره سلاحلی دنیزچیلر یئرلشدیرمه‌یه حاضیرلاندیغینا" دایر خبرلره یئر وئرمیشدی. خبرلرین آردیندان ایران اینقیلاب گؤزتچیلری اوردوسو دونانماسی ۳۰۰ ایله ۱۰۰۰ کیلومتر منزیللی موختلیف تیپلرده موشکلره صاحیب اولدوقلارینی بیلدیرمیشدی.
آمریکا بیرلشمیش دؤولتلری مرکز گوجلر قوموتانلیغی (سنتکوم)، دونن تخمیناً ۳ مین عسگردن عبارت اولان ۲۶.جی دنیز عسگرلری سفر وظیفه بیرلیگینین ۶ آگوست‌دا اورتا دوغویا چاتدیغینی آچیقلامیشدی.
