پاشینیان: دؤولتین یوخ اولدوغو بیر وضعیته دوشهبیلریک
ارمنیستان باشباخانی نیکول پاشینیان دونیادا قاراباغی آذربایجان تورپاغی اولاراق تانیمایان تک بیر اؤلکه اولمادیغینا ایشاره ائتدی
ارمنیستان باشباخانی نیکول پاشینیان، آذربایجان ایله اؤلکهسی آراسینداکی گؤروشمهلرین باشارییا چاتماسینی ایستهدیکلرینی سؤیلهدی.
پاشینیان، ارمنیستانین باشکندی ایرواندا تشکیل ائتدیگی مطبوعات کنفرانسیندا آذربایجانلا باریش آنلاشماسی گؤروشمهلرینین و تورکیه ایله نورماللاشما مدتینین داوام ائتدیگینی ایفاده ائتدی.
دونیادا قاراباغی آذربایجان تورپاغی اولاراق تانیمایان تک بیر اؤلکه اولمادیغینا ایشاره ائدن پاشینیان، آوروپا گوونلیک و امکداشلیق تشکیلاتی (آگیت) مینسک قروپوندا دا قاراباغین آذربایجانین حاکمیتی آلتیندا اولدوغونون قبول ائدیلدیگینی خاطیرلاتدی.
اولوسلارآراسی توپلومون قاراباغ اوچون بیر باشا چؤزوم ایستهدیگینه دقت چکهن پاشینیان، دونیادا تک یاشامادیقلارینی، اولوسلارآراسی توپلومون چیخارلارینا گؤره حرکت ائتمهلری لازیم اولدوغونو دیله گتیردی.
پاشینیان،
"ارمنیستان اوزون بیر مدت چاتیشما دوزهنی ایچینده یاشایا بیلمز. چؤرک، الکتریک، یولون دئییل، دؤولتین یوخ اولدوغو بیر وضعیته دوشهبیلریک. بیز آوروپا و روسیانین قونشوسو دئییلیک. گورجوستان، آذربایجان، تورکیه و ایرانین قونشوسویوق. پروبلئملرین حلینده اؤنجه بو قونونو گؤز اؤنونه آلماق مجبوریتیندهییک" ایفادهلرینی ایشلتدی.
آمریکا بیرلشمیش دؤولتلرینین باریش گؤروشمهلرینه دایر گیریشیملرینی تقدیرله قارشیلادیقلارینی، روسیانین سورهجدهکی فعاللیغینین، اوکراینا قونوسونون گوندمده اولماسی سببی ایله بیر میقدار آزالدیغینی، آوروپا بیرلیگی ایله ده وضعیتین عینی اولدوغونو ایفاده ائدن پاشینیان، مسئلهنین روسیانین و یا باتینین سورهجدن چیخاریلماسی اولمادیغینی و نتیجه الده ائتمک ایستهدیکلرینی سؤیلهدی.
ایلگیلیلی خبرلر
داعش سالدیریسیندا بئش عسگر اؤلدو
عراقین صلاحالدین شهرینده بیر نظامی منطقهیه ترور سالدیریسی تشکیل ائدیلدیگی بیلدیریلدی
نتانیاهو: حماس تسلیم اولسا ساواش بیتر
"حماس سلاح بوراخاراق تسلیم اولوب و ده اسیرلری تحویل وئرسه، ساواش یارین بیتهبیلر"