ایرانین دستکله‌دیگی حوثیلر ۳۵۰ موخالیف حاقیندا اعدام قراری وئردی
"حوثیلر چئوریلیش ائتدیکدن سونرا مخالیفلریندن عسگرلر، آکتیویست، ژورنالیست و سیاستچیلردن عبارت ۳۵۰ نفر حاقیندا اعدام قراری وئردی"
یمنده، ایرانین دستکلدیگی حوثیلرین دؤولت چئوریلیشی ایله حاکمیتی اله گئچیردیکلری ۲۰۱۴.جو ایلده‌ن بو یانا ۳۵۰ موخالیف حاقیندا اعدام قراری وئردیگی بیلدیریلدی.
یمن حکومتینین خبرلشمه، مدنیت و توریزم باخانی معمر الاریانی رسمی خبر آژانسی سابایا وئردیگی مصاحیبه‌ده،
"حوثیلر چئوریلیش ائتدیکدن سونرا مخالیفلریندن عسگرلر، آکتیویست، ژورنالیست و سیاستچیلردن عبارت ۳۵۰ نفر حاقیندا اعدام قراری وئردی" ایفاده‌لرینی ایشلتدی.
حوثیلرین رقیبلرینی تروریزه ائتمک و سیاسی مخالیفلری ایله حسابلاشماق آماجی ایله یارغیندان چیرکین بیر مکانیزم کیمی ایستیفاده ائتدیگینه دقت چکه‌ن الاریانی، سؤزو گئدن اعداملارین ببیر فیسمینی فعلی اولاراق ایجرا ائتدیگینی وورغولادی.
حوثیلردن هله‌لیک یو مؤوضوع ایله باغلی آچیقلاما وئریلمه‌دی.
یمنین اینسان حاقلاری و حقوقی ایشلر باخانلیغیندان بو هفته‌نین اولینده وئریلن آچیقلامادا، حوثیلره باغلی جزا محکمه‌سینده صنعا ولایتینده ائتنیک دۆشونجه‌لری و ترور فعالیتلرینده اشتراک ائتدیکلری اتهامی ایله ۶ نفرین اعدام ائدیلمه‌سینه قرار وئریلدیگی آچیقلانمیشدی.
ایرانین دستکله‌دیگی حوثیلر، یمنده ۲۰۱۴.جو ایلین سپتامبر آییندان بری باشکند صنعا و بعضی بؤلگه‌لرین نظکنترلونو الینده توتور. یمن حکومتی ایسه ۲۰۱۵.جی ایلین مارس آییندان بو یانا سعودی عربیستانین رهبرلیک ائتدیگی کوالیسیون گوجلری طرفیندن دستکله‌نیر.
