ایراندا قاریشیقلیق داوام ائدیر
ایرانلی مسئوللار، مشهد، تبریز و قزوین شهرلرینده گئچیریلهن گؤستریلر زامانی رژیم طرفداری ۳ بسیج عضوونون گؤستریچیلر طرفیندن اؤلدورولدوگونو آچیقلادی
ایراندا باشلایان گؤستریلر ۶.جی گونونه گیررکن، بعضی شهرلرده اعتراضچیلار پلیس ماشینلارین و آمبولانسلاری یاندیردی.
ایندیه دک تهران، سنندج، کرج، تبریز، مشهد، کیش، کرمان، یزد، رشت، بندر عباس، آبادان، کرمانشاه، اردبیل، اصفهان، اورمیه، قزوین، زنجان، ایلام، مازندران، همدان باشدا اولماقلا بیر چوخ شهرده گؤستری تشکیل ائدیلدی.
گؤستریچیلر ایله گوونلیک گوجلری آراسیندا بیر چوخ نقطهده شدتلی چاتیشمالار باش وئردی.
سوسیال مئدیادا یاییمانان گؤرونتولره گؤره، ذۆنن گئجه قوزئی خوراسان ایالتینین بجنورد شهرینده گؤستریچیلر پلیس مرکزینه سالدیریب بو مرکزی یاندیردی.
ساغلیق باخانلیغی سؤزچوسو پدرام پاکآیین، اؤلکهده باش وئرهن حادثهلر زامانی ۶۱ آمبولانسین گؤستریچیلر طرفیندن داغیدیلدیغی و یا یاندیریلدیغینی آچیقلادی.
گؤستریلرده اؤلن، یارالانان و توتوقلانانلارین ساییسی ایله باغلی هلهلیک دقیق بیلگی اولماسا دا، مسئوللارینین فرقلی زامانلاردا وئردیگی آچیقلامالارا گؤره، اعتراضلاردا ۲سی مامور اولماقلا ان آز ۹ نفر حیاتینی ایتیردی.
ایرانلی مسئوللار، مشهد، تبریز و قزوین شهرلرینده گئچیریلهن گؤستریلر زامانی رژیم طرفداری ۳ بسیج عضوونون گؤستریچیلر طرفیندن اؤلدورولدوگونو آچیقلادی.
ایلگیلیلی خبرلر
داعش سالدیریسیندا بئش عسگر اؤلدو
عراقین صلاحالدین شهرینده بیر نظامی منطقهیه ترور سالدیریسی تشکیل ائدیلدیگی بیلدیریلدی
نتانیاهو: حماس تسلیم اولسا ساواش بیتر
"حماس سلاح بوراخاراق تسلیم اولوب و ده اسیرلری تحویل وئرسه، ساواش یارین بیتهبیلر"