ایران‌دا ۶۲ نفره وبا تشخیصی قویولدو
ایران‌د ایندیه دک وبا خسته‌لیگیندن جان ایتکی‌سی اولمایدیغی ایفاده ائدیلدی
1866200
ایران‌دا ۶۲ نفرین وبایا یولوخدوغو بیلدیریلدی.
ایرانین گنج ژورنالیستلر کلوبونا دانیشان ساغلیق باخانلیغی غذا و سودان یولخان خسته‌لیکلر اداره‌سی رئیسی مریم مسعودی‌فر، ایران‌دا ایندیه دک ۶۲ نفره وبا تشخیصی قویولدوغونو ایفاده ائتدی.
خسته‌لیکلرین هارداسا هامیسینین اؤلکه‌نین باتیسیندا‌کی ایالتلرده گؤرولدوگونو بیلدیره‌ن مسعودی‌فر، خسته‌لرین یاریسینین قونشو اؤلکه‌لره سیاحت‌دن یئنی قاییتدیغینی بیلدیردی.
مسعودی‌فر، اؤلکه‌ده ایندیه دک وبا خسته‌لیگیندن جان ایتکی‌سی اولمایدیغینی ایفاده ائتدی.
سون زامانلار عراقین قوزئیینده‌کی اربیل، سلیمانیه و کرکۆک شهرلرین‌ده وبا خسته‌لیگینه راستلانمیش، ۲۱ ژوئنده کرکۆک‌ده بیر نفرین بو خسته‌لیک‌دن اؤلدوگو آچیقلانمیشدی.
