ایراندا ۳۷ نفرده وبا گؤرولدو
"بو خستهلیک، تمیز ایچمهلی سویون لازیم سویهده اولماماسی و کانالیزاسییون سیستمینین دوزگون قورولماماسی نتیجهسینده یارانیر و یوکسک درجهده یولوخوجودور"
ایراندا ۳۷ نفرین وبایا یولوخدوغو بیلدیریلیر.
ایرانین رسمی خبر آژانسی ایرنایا دانیشان ساغلیق باخانلیغی غذا و سو ایله بولاشان خستهلیکلر شعبهسی مودورو مریم مسعودیفر، قونشو اؤلکهلرده گؤرولن وبانین یولچو حرکتلری ایله ایراندا یاییلماسینین قارشیسینی آلماق اوچون تمیزلیک قوراللارینا رعایت ائدیلمهسینین اؤنمینی وورغولادی.
مسعودیفر، ایندیه دک ایراندا ۳۷ نفرده وبا معین ائدیلدیگینی و بونا باغلی اؤلوم اولمادیغینی بیلدیردی.
وبا شوبههسی اولان خستهلرین باخیم و معالیجهسی اوچون ساغلیق بیلملری بیلیمیوردلارینا تاپشیریقلار گؤندریلدیگینی بیلدیرن مریم مسعودیفر،
"بو خستهلیک، تمیز ایچمهلی سویون لازیم سویهده اولماماسی و کانالیزاسییون سیستمینین دوزگون قورولماماسی نتیجهسینده یارانیر و یوکسک درجهده یولوخوجودور. خستهلیگه یولوخموش اینسانلارین اکثریتینده یا هئچ بیر علامت اولمور، یا دا یونگول سمپتوملار اولور، آنجاق بعضی حاللاردا خستهلرین اؤلومونه سبب اولور" ایفادهلرینی ایشلتدی.
سون زامانلار عراقین قوزئییندهکب اربیل، سلیمانیه و کرکوک شهرلرینده وبا خستلیگینه راستلانمیش، ۲۱- ژوئنده کرکوکده بیر نفرین بو خستهلیکدن اؤلدوگو آچیقلانمیشدی.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.