سوریهده حیاتینی ایتیرهن وطنداشلارین ساییسی آچیقلاندی
بیرلشمیش میللتلر اینسان حاقلاری یوکسک کمیسری میشل باچله، آچیقلانان ایتکیلرین تکجه رقم دئییل، ایتیب گئدن حیاتلاری تمثیل ائتدیگینی سؤیلهدی
سوریهده ایچ ساواش باشلایاندان بری چاتیشمالاردا حیاتینی ایتیرهن وطنداشلارین ساییسینین ۳۰۷ مینه چاتدیغی آچیقلاندی.
بیرلشمیش میللتلر تشکیلاتی اینسان حاقلاری یوکسک کمیسرلیگی راپوروندا، اؤلکهده مساواشین باشلادیغی ۱ مارس ۲۰۱۱.جی ایل و ۳۱ مارس ۲۰۲۱.جی ایل تاریخلری آراسیندا چاتیشمالاردا وطنداشلارین اؤلمهسی ایله باغلی یئنیلنمیش رقملر پایلاشیلدی.
راپوردا بیرلشمیش میللتلرین اؤنجهکی رقملرینده ۱۴۳ مین ۳۵۰ وطنداش ایتکیسی ثبت ائدیلدیگی، تطبیق ائدیلهن یئنی امار اصوللاری نتیجهسینده عینی دؤورده ۱۶۳ مین ۵۳۷ مولکی وطنداشین چاتیشمالار نتیجهسینده حیاتینی ایتیردیگی تخمین ائدیلدی.
یئنی تخمینی ایتکیلرله ساواشین باشلاماسیندان بو یانا گئچهن ۱۰ ایلده مولکی وطنداش ایتکیلرینین ساییسی ۳۰۶ مین ۸۸۷ نفر اولاراق یئنیلندی.
بو رقمین سوریه جمعیتینین یوزده ۱،۵ینه برابر اولدوغو و گونلوک اولاراق ۱۰ ایلده هر گون ۸۳ مولکی وطنداشین چاتیشما نتیجهسینده اؤلدویو پایلاشیلدی.
بیرلشمیش میللتلر اینسان حاقلاری یوکسک کمیسری میشل باچله، آچیقلانان ایتکیلرین تکجه رقم دئییل، ایتیب گئدن حیاتلاری تمثیل ائتدیگینی سؤیلهدی.
"بو رقملره؛ ساغلیق، غذا، تمیز سو و دیگر اساس اینسان احتیاجلار یوخلوغوندان اؤترو حیاتینی ایتیرهن چوخ ساییدا مولکی وطنداش داخیل دئییل" دئدی.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.