زلنسکی ماکرونون چاغیریشینا اعتراض ائدیب
زلنسکی بیاناتیندا ماکرونون باتینین روسیایا "آلچالدیجی" روحلا یاناشماماسی چاغیریشینا اعتراض ائدیب.
اوکراینا پرزیدنتی ولودیمیر زلنسکی فرانسا پرزیدنتی امانوئل ماکرونون روسیانی "آلچالتماماق" چاغیریشینا رئاکسیا وئریب.
زلنسکی بیاناتیندا ماکرونون باتینین روسیایا "آلچالدیجی" روحلا یاناشماماسی چاغیریشینا اعتراض ائدیب.
زلنسکی قئید ائدیب کی، ماکرون چوخ یاخشی بیلیر کی، 2014-جو ایلدن بریدیر دونباس-داکی توققوشمالارا سون قویا بیلمهین روسیا مینسک پروسهسی چرچیوهسینده اوولکی باریش راضیلاشمالارینا عمل ائتمهییب.
"حقیقتن باشا دوشه بیلمیرم. روسیانین آلچالدیلماسی؟ 8 ایلدیر کی، بیزی اؤلدورورلر. بورادا نه دانیشیریق؟"،- دئیه زلنسکی وورغولاییب.
زلنسکی روسیا اوردوسونون وحشیلیکلرینه باخمایاراق، باریش دانیشیقلارینا آچیق اولدوغونا دقت چکهرک دئییب:
"هر بیر محاربه دانیشیقلار ماساسی آرخاسیندا بیتمهلیدیر. اما باریش دانیشیقلاری ولادیمیر پوتینله اوزبوز آپاریلمالیدیر".
بعضی باتی متفیقلرینین کیئوین ایشتیراکی اولمادان آتشکس شرطلری یاراتماق جهدلرینی تنقید ائدن زلنسکی دئییب:
"اوکراینانین اگمنلیگی اوچون باتینین قربین دستکینه و باتینین دایمی دقتینه احتیاجیمیز وار. اوکراینانین آرخاسیندان هئچ واخت دانیشیقلار اولا بیلمز. بو اؤلکهنین موضعینی دینلمهدن اوکراینا اراضیسینده آتشکهسه نئجه نایل اولا بیلریک؟ بو چوخ تعجبلودور".