حسین سلامی: قصاص موطلق آلیناجاق
تهراندا سلاحلی سالدیریدا حیاتینی ایتیرهن سپاه اوردوسو منسوبو، آلبای حسن صیاد خدایی اوچون جنازه مراسیمی تشکیل ائدیلدی
ایرانین باشکندی تهراندا سلاحلی سالدیریدا حیاتینی ایتیرهن سپاه اوردوسو منسوبو، آلبای حسن صیاد خدایی اوچون جنازه مراسیمی تشکیل ائدیلدی.
تهرانین امام حسین میدانیندا گئچیریلهن مراسیمده مینلرجه اینسان ایشتیراک ائتدی. مراسیمه سپاه اوردوسونون یوکسک روتبهلی باشچیلاری دا قاتیلدی.
جنازه تؤرهنینده «آمریکایا اؤلوم»، «اسرائیله اؤلوم»، «انتیقام، قصاص» کیمی شعارلار سسلهندیریلهرک مرثیهلر اوخوندو.
خدایینین جنازه مراسیمینه قاتیلان سپاه باش قوموتانی حسین سلامی شعارلارا قارشیلیق وئرهک «قصاص موطلق آلیناجاق» دئدی.
مراسیمدن سونرا خدایینین جنازهسی دفن اولونماق اوچون بهشت زهرا قبیریستانلیغینا آپاریلدی.
ایران اینقیلاب کئشیکچیلری/سپاه اوردوسو «قدس گوجلری»نین آلبایی صیاد خدایی، بازار گونو تهرانداکی ائوینین یاخینلیغیندا سالدیرییا اوغرادی.
سپاه، موتورسیکلتلی ایکی سالدیرقانین ائتدیگی آتیش نتیجهسینده باشیندان مرمی یاراسی آلان خدایینین حیاتینی ایتیردیگینی، سالدیرقانلارین یاخالانماسی اوچون چالیشمالارا باشلانیلدیغینی آچیقلادی.
ایرانلی آلبایین سوریهده وظیفه آلدیغی بیلدیریلمیشدی.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.